Suryavamsha

Us der alemannische Wikipedia, der freie Dialäkt-Enzyklopedy

D Suryavamsha oder d Sunedynastii (Sanskrit: सूर्यवंशी, Sūryavaṃśa m.) isch e mythischi Dynastii im Hinduismus. De bikanntist Vertreter isch de Rama. Aber au historischi Königshüser füeret sich vo de Sunedynastii ab.

De Stammvatter vo de Sunedynastii isch de Ikshvaku, de Soo vom Manu Vaivasvat. Sin Groossvatter Vivasvat werd mitem Sunegott Surya gliichgsetzt, werum sini Noochome d Sunedynastii bildet. Die cha i zwee Zwiig tailt were. De älteri Stamm herrscht öber Ayodhya und zu dem ghört de heldehafti Rama. De jüngeri Stamm herrscht öber Mithila.

Nochem buddhistische Gschichtsbuech Mahavamsa stammt au de historisch Buddha vo de Sunedynastii ab.

Lueg au[ändere | Quälltäxt bearbeite]