Stuttgarter Zeitung

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Stuttgarter Zeitung – StZ
Stuttgarter Zeitung-Logo
Beschriibig dytschi Dageszytig
Verlag Stuttgarter Zeitung Verlagsgesellschaft mbH
Erstusgob 18. Septämber 1945
Erschiinigswiis allag ußer am Sunntig
Uflag
(IVW 3/2011, Mo-Sa)
194.398[1] Exemplar
Chefredakteur Joachim Dorfs
Gschäftsfüehrer Richard Rebmann
Weblingg stuttgarter-zeitung.de

D Stuttgarter Zeitung (StZ, schwäbisch Stuagerter Zeitong) isch e Dageszytig mit ere verchaufte Uflag vu rund 150.000 Exemplare. Zämme mit dr Stuttgarter Nachrichten lyt di verchauft Uflag bi 194.398 Exemplar.[2]

D Stuttgarter Zeitung isch e Regionalzytig mit iberregionalem Aaspruch. Des haißt, dass es Informationsaagebot mit dr iberregionale Zytige konkurriert, dass aber glychzytig regionali un lokali Schwärpinkt gsetzt wäre. Fir des unterhaltet d Stuttgarter Zeitung im iberregionale Berych e Redaktion un e Netz vu Korreschpondänte.

D Zytig nännt sich liberal.[3]

S Erschynigsbild vu dr Zytig isch 1948, 1978, 1998 un 2009 veränderet wore. Chefredakteur isch syt em 1. Jänner 2008 dr Joachim Dorfs, wu dervor stellverdrättende Chefredakteur vum Handelsblatt gsii isch.

Dr Sitz vu dr StZ isch s Prässehuus Stuegert.

Gschicht[ändere | Quälltäxt bearbeite]

D Gschicht vu dr Stuttgarter Zeitung fangt noch em Zweete Wältchrieg aa. Noch em Änd vum dr nationalsozialistische Diktatur hän di alte Zytige vier Johr lang nime derfe erschyne. D StZ siit sich in dr Dradition vum Neue Stuttgarter Tagblatt, wu in däre Zyt yygstellt gsii isch.

D Druckereie un Verlag sin bschlagnahmt wore. Di weschtlige Bsatzigsmächt hän derno Lizänze fir Rusgob vu Zytige an bolitisch uublaschteti Burger vergee un hän ene di bschlagnahmte Maschine z Verfiegig gstellt. Doderby hän d Bsatzigsmächt au Aachtig gee druf, ass di große bolitische Richtige verdrätte gsii sin.

D Stuttgarter Zeitung isch zerscht vu drei Lizänzdreger vu dr Information Control Division verlait wore: em Josef Eberle, em Karl Ackermann un em Henry Bernhard. Am 18. Septämber 1945 isch di erscht Uusgob erschine. Nodäm verschidene Lizänzdreger anderi Zytige ibernuu hän, isch schließli näb em Erich Schairer, wu 1956 gstorben sich, nume dr Josef Eberle as Rusgeber bis 1972 bi dr Stuttgarter Zeitung.

Verlag[ändere | Quälltäxt bearbeite]

Prässehuus Stuegert

D Stuttgarter Zeitung un ihre Verlag, d Stuttgarter Zeitung Verlagsgesellschaft mbH & Co. KG, ghert zue 100 Brozänt dr Mediengruppe Süd GmbH (MSG). Die ghert zue 82 Brozänt dr Südwestdeutsche Medien Holding (SWMH), dr Obergsellschaft vu dr Zeitungsgruppe Stuttgart, un zue 18 Brozänt dr Schwarzwälder Bote GmbH & Co. KG.[4] Bis aafangs 2007 sin d Erbe vum Erich Schairer, aim vu dr Mitrusgeber in dr Nochchriegsjohr, zue 25 Brozänt bedailigt gsii, die hän ihre Aadail zum 1. Jänner 2007 an d SWMH verchauft.[5] An dr SWMH sin mit je 44,36 Brozänt d Medien-Union GmbH Ludwigshafen un d Gruppe Württembergischer Verleger bedailigt, dr Räscht vu dr Aadail daile sich acht wyteri Gsellschafter.[6]

D Mediengruppe Süd isch iber d Württemberger Zeitung GmbH unter anderem mit 80 Brozänt an dr Stuttgarter Nachrichten bedailigt. Anne 2002 het sich d SWMH mit 18,75 Brozänt am Süddeutsche Verlag, München (Süddeutsche Zeitung) bedailigt. Zum 29. Februar 2008 hän vier Gsellschafterfamilie ihri Aadail am Verlag vu dr Süddeutsche Zeitung an d Südwestdeutsche Medien Holding verchauft, wu dodermit ihre Aadial uf 81,25 Brozänt ufgstockt het.

Uuszaichnige[ändere | Quälltäxt bearbeite]

D Redaktion vu dr Stuttgarter Zeitung het im Lauf vu dr Johr er Huffe wichtigi Schurnalischtebryys iberchuu. In dr jingschte Zyt het dr bolitisch Korreschpondänt vu dr Stuttgarter Zeitung, dr Stefan Geiger, dr Herbert-Riehl-Heyse-Bryys 2005 iberchuu fir syy Essay Eigentum verpflichtet. Aber wozu verpflichtet es?un dr Theodor-Wolff-Bryys 2006 fir syy Essay „Keine Freiheit ohne Gleichheit – und umgekehrt“.

Dr Michael Ohnewald, Reporter in dr Regionalredaktion, isch 2003 mit em Theodor-Wolff-Bryys in dr Kategori Lokals uuszaichnet wore.

S Layout vu dr StZ isch zwische 2003 un 2008 all Johr in unterschidlige Kategorie mit em European Newspaper Award uuszaichnet wore. Bim 11. European Newspaper Award isch si vu dr Jury zue r europäische Regionalzytig vum Johr gwehlt wore.

Erich-Schairer-Bryys[ändere | Quälltäxt bearbeite]

Im Gedänke an dr Erich Schairer, dr bolitisch engaschierte Schurnalischt, Rusgeber vu dr Sonntags-Zeitung un spetere Mitrusgeber vu dr Stuttgarter Zeitung, wird all Johr vu dr Erich-Schairer-Journalistenhilfe e. V. un dr Stuttgarter Zeitung e Ferderbryys fir jungi Schurnalischtine un Schurnalischte uusgschribe.

Fueßnote[ändere | Quälltäxt bearbeite]

  1. Mit Stuttgarter Nachrichten
  2. no IVW, dritts Quartal 2011, Mo-Sa (Detail un Quartalsverglych uf ivw.eu)
  3. Sälbschtdarstellig vu dr StZ
  4. KEK: Mediendatenbank Stuttgarter Zeitung Verlagsgesellschaft mbH, abgruefen am 10. Februar 2010
  5. StZ-Mitdailig iber d Änderig vu dr Aigetimerstruktur:http://www.stuttgarter-zeitung.de/stz/page/detail.php/1355957 (Link defekt)
  6. KEK: Mediendatenbank Südwestdeutsche Medien Holding GmbH (SWMH), abgruefen am 10. Februar 2010

Weblink[ändere | Quälltäxt bearbeite]

Dä Artikel basiert uff ere fräie Übersetzig vum Artikel „Stuttgarter_Zeitung“ vu de dütsche Wikipedia.

E Liste vu de Autore un Versione isch do z finde.