Stockente

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Wildente
Mallard male female.jpg

Wildente (Anas platyrhynchos), obe: Entrich, une: Wudle

Systematik
Ordnig: Gänsevögel (Anseriformes)
Familie: Entevögel (Anatidae)
Underfamilie: Anatinae
Tribus: Schwümmente (Anatini)
Gattig: Aigetlichi Ente (Anas)
Art: Wildente
Wüsseschaftlige Name
Anas platyrhynchos
Linnaeus, 1758
Underart
  • Wildente (A. p. platyrhynchos)
  • Grönländiaxhi Wildente (A. p. conboschas)
  • Mexikanischi Wildente (A. p. diazi)

D Wildente (Anas platyrhynchos; alemanischi Näme) isch e Wasservogel, wo zo de Schwümmente ghört. Si isch di hüüffigsti Entenart vo Europa und brüetet i de Alpe bis zo 2000 müM. Vo de Wildente stammt d Huusente ab. Die maiste Ente bliibet öber de Winter am Stammplatz, e paar züchet aber abem Augste i wäremeri Gegete und cheeret denn mitti Mai zrugg.

Uussie[ändere | Quälltäxt bearbeite]

S Wiibli, au Wudle gnennt, vo de Wildente isch bruu gfleckt. De Entrich wechslet sis Chlaid. Vom Juli bis Oktober gsiet er äänlich wie s Wiibli uus, isch aber dunkler und underschaidet sich vom Wiibli dor sin geele Schnabel. Im Winter und Früelig het er denn e glänzige grüene Chopf mit eme wiise Halsband und e bruuni Brust. Am Schwanz het er zwai gchrüsleti Federli. Baid Gschlechter hend die för Wildente typischi blaui glänzigei Flügelfedere und orangschi Bai mit Schwimmhüüt. Wildente wered 50 bis 60 cm grooss, hend e Spannwiiti vo 80 bis 95 cm und wöget zwöschet 850 und 1400 Gramm.

Lebeswiis[ändere | Quälltäxt bearbeite]

D Wildente cha uf jedem Gwässer vorchoo, vom chlinnste Tümpel bis zom groosse See oder Fluss. Znacht flüügt si mengisch uf Felder und Wise, wo si Söömli, Chörner und Aichle findet, si tüend aber au grääse. D Wildente isch e Schwümmente, wo nöd taucht. Si cha sich ufem Wasser kippe und gründelet denn mit dem Schnabel de Grund vom Gwässer ab, wo sii Wasserpflanze, Waichtier und Chlichrepsli findet. Si schnederet au i füechte Wise, wo si Schnegge und ander Waichtier suechet. Wildente sind gselig und gwaaget bi jedere Glegehait.

D Wildente brüetet under Büsch oder im Gstrüpp und au i Bommhöölene. Si sind wääred de Bruetziit anenand troi, mengisch au meriri Joor, anderi Individue wechslet nocheme Joor de Partner. S Wiibli lait öppe acht Aier. Früsch gschlüpfti Entli sind hüüffig chnüütschgeel und wered denn spööter bruu. Vili jungi Entli chömed aber um oder wered gfresse und nu wenigi wered erwachse.

Bsundrigs[ändere | Quälltäxt bearbeite]

D Wildente isch im alte Ägypte spöötistens ab de 18. Dynastii domestiziert wore. Si isch de hailig Vogel vo de Göttin Hathor. Ente sind wegem bunte Federchlaid scho immer biliebti Sujet gsii i de Kunst, und scho i de Bronzeziit sind au Gfääss i Enteform hergstellt wore.

Büecher[ändere | Quälltäxt bearbeite]