Us der alemannische Wikipedia, der freie Dialäkt-Enzyklopedy
Dr Stimmloser palataler Plosiv isch e Konsonant wo bsunders sälte isch un vorallem i e paar oschteuropäischi Sproche vorchunt. Er het für alemannischi Sprecher e akustischi Ähnlichkeit mitem Affrikat tsch.
- S'isch e Plosiv; er wird erzeugt indäm dr Luftstrom ganz blockiert wird un dr aagstauti Luftstrom drno freigsetzt wird.
- S'isch e palataler Konsonant; er wird durch direkte Kontakt vo dr Zunge mitem harte Gaume produziert.
- D'Phonation isch stimmlos; er wird produziert ohni dass d'Stimmbänder vibriere.
- S'isch e Oraler Konsonant; d'Luft entwycht durch de Mund.
- S'isch e zentraler Konsonant; dr Luftstrom gangt über d'Mitti vo dr Zunge, aastatt um d'Syte.
- S'isch e egressiver Konsonant; er wird durch s'Ussatme durch d'Lunge erzeugt während d'Glottis gschlosse blybt.
[ändere] Verbreitig
- S'Alemannisch het kei palatale Plosiv.
- Albanisch: kuq [kuc], "rot". Im Albanische wird de Luut vum Affrikat ʧ unterschiede: [caj] "hüüle" (erschti Person singular) un [ʧaj] "Tee".
- Tschechisch: čeština [ˈʧɛʃ.cɪ.na], "Tschechisch""
- Griechisch; Κ, κ (vor Vordervokal): κερί [cɛˈɾi] „Cherz, Waggs“, κιόλας [ˈcɔlas] „scho“
- Ungarisch: tyúk [cuːk], "Huen"
- Mazedonisch: Вреќа [vrɛca], "grosser Sack"
- Lettisch: ķemme "Kamm" [ˈceme]
- Imene Deil vum Nord-Okzitanisch i dr Auvergne als Allophon vo [k] vor [i] un [j].
- Korsisch chj: ochju "Aug"
- In mangi Dialäkt vum Bretonische; als Allophon vum [k] noocheme Vordervokal.
- Vietnamesisch; do wird [c] e weng meh wie e Affrikat ussgsproche un isch streng gnomme postalveolar: chị „ältri Schwöschter“ [cɪj]
