Buppemuseum „Chlaini Wält“

S Buppemuseum „Chlaini Wält“ (dt. Puppenmuseum „Kleine Welt“, friejer Opfinger Puppenstuben- und Puppenmuseum „Kleine Welt“, speter Freiburger Puppenmuseum, derno Staufener Puppenmuseum „Kleine Welt“) isch e privat Museum z Haidersche in dr Rächtsform vun ere GbR, wu vu dr Ursula Trefzger un dr Anita Lüdtke grindet woren isch un au vun ene bis hite glaitet wird.

Gschicht

D Ursula Trefzger isch Laiteri vun ere Gherloseschuel gsii. Wu si pensioniert woren isch, het si d Idee ghaa e Buppemuseum z grinde un het zämme mit dr Anita Lüdtke, ere ehmolige Schieleri vun ere, aagfange Buppe z sammle. Us dr Uustellige, wu si gmacht hän, isch im Johr 1993 schließlig e chlai Museum in dr Raiffyysestroß z Opfige wore, s „Puppenmuseum Opfingen“. Speter isch s Museum umzoge uf Fryybeg zerscht in d Heckerstroß uf dr Haid, anne 2004 derno in d Bertoldstroß un het derno „Freiburger Puppenmuseum“ ghaiße. Zum 1. Mai 2010 isch s Museum uf Staufe verlait wore un het in Ryym im zweete Stock in dr Hauptstroß 25 chenne aagluegt wäre. Im Februar 2016 isch s Museum schließlig uf Haidersche umzoge.

Sammlig un Uustellig

D Sammlig bstoht us iber 550 Buppe un 400 Buppestuube us dr Zyt zwische 1750 un 1950, wu d vor allem d Trefzger im Lauf vu dr Johr zämmedrait het. Wel uf dr 150 Quadratmeter vum Meseum nit alles cha zaigt wäre, sin aber nume d Helfti vu dr Buppestuube uusgstellt.

Weblink

• www.puppenmuseum-heitersheim.de/
• Kinderträume aus alten Zeiten werden lebendig, Südkurier, 24.01.2003
• In der Puppenstube, Badische Zeitung, 22.05.2010
• Teddys stopfen, Ordnung schaffen, Badische Zeitung, 22.11.2010
• So viele Erinnerungen kommen, Badische Zeitung, 29.11.2011