Statio Tranquillitatis

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Bild vu dr Dafele, wo an dr Abstigsstufe vum Landemodul abrocht isch as Erinnerig an die erscht bemannt Moolandig

As Statio Tranquillitatis (lat. fier Usseposchte vu dr Rueh bzw. englisch Tranquility base) wird vu dr Internationale Astronomische Union dr Landeplatz vu Apollo 11 uffem Erdmoo bezeichnet, also sälle Platz uffem Mo, wo s'irdisch Läbe wohl s'erscht Mol in sinere Gschicht am 20. uf dr 21. Juli 1969 e Usflug uff e anderi Welt gmacht het.

D Landestell lit uf dr lunare Koordinate 00°41′15″N, 23°26′00″E im Südweschte vum Mare Tranquillitatis (alem. Meer vu dr Rueh).

Dr Neil Armstrong as Kommandant vu Apollo 11 het nooch em Ufsetze vu dr Landefähre in sinere Meldig an s'Kontrollzentrum in dr Landestell Namme gä: "Houston, Tranquility Base here. The Eagle has landed." (alem: Houston, d'Station vu dr Rueh isch dra. Dr Adler isch glandet.)[1]

Die International Astronomisch Union het no später - in dr Nomenklaturregle fier dr Mo gmäss uf Latinisch - d'Landestell offiziell uf statio Tranquillitatis daift.

Quelle[ändere | Quälltäxt bearbeite]

  1. Jones, Eric M. (1995). The First Lunar Landing - Corrected Transcript and Commentary. NASA. Abgrüeft am 20. Juli 2009.