Saint-Ursanne
| Saint-Ursanne | |
|---|---|
 | |
| Basisdatä | |
| Staat: | Schwiiz |
| Kanton: | Jura (JU) |
| Bezirk: | Pruntrut |
| Gmeind | Clos du Doubs |
| PLZ | 2882 |
| Koordinate: | 578618 / 246087 |
| Höchi: | 440 m ü. M. |
| Flächi: | 11,46 km² |
| Iiwohner: | 688 (31. Dezember 2008)[1] |
| Website | www.st-ursanne.ch |
 s Städtli vo Oschte | |
| Charte | |
| BEMERKUNG_KARTE= | |
Saint-Ursanne isch es chlises Schtädtli im Clos du Doubs un ghört sit em 1. Jänner 2009 zu de gliichnamige Gmeind. Frühener het ma für Saint-Ursanne de dütsch Näme Sankt Ursitz bruucht, hüt sait des kuum no öpper.
D Lag vo de Schtadt[ändere | Quälltäxt bearbeite]
S Schtädtli Saint-Ursanne isch am rächte Ufer vom Fluss Doubs, kurz nachdäm de Fluss in ere Rächtskurve sini Fliisrichtig vo Nord uf Wescht ändret. De Doubs het sich derte tüf in de Kalkstei vom Jura iigschnitte.
Gschicht[ändere | Quälltäxt bearbeite]
Derte, wo hüt Saint-Ursanne ligt, het vermuetlich ums Johr 600 umme de Ursicinus, en Kolleg vom heilige Kolumban, gläbt. Überem vermuetet Grab vom Ursicinus hei Mönch es Chloschter grünt, wo in de Ziit um 850 s erschti Mol sicher in ere Urkund gnännt wird. S Chloschter het dozumol zum Bistum Besançon ghört. Im 11. Johrhundert het ma dann s Chloschter neu bauet. Di alt Chloschterchile isch zur Pfarrchile vom Schtädtli worde. Im 1139i isch de Ort zum erschte Mol als Sancti Ursicini gnennt. Im 12. Johrhundert het ma d Abtei zu eme Chorherreschtift umgwandlet, wo ab 1210 em Fürschtbistum z Basel unterschtellt gsi isch un wo s ganz Gebiet vom Clos du Doubs umfasst het. S Schtädtli, wo ums Chloschter umme entschtande-n-isch, het im Johr 1338 s Markträcht übercho.
Vo 1793 bis 1815 het Saint-Ursanne zu Frankriich ghört. Im 1803 het ma s Chloschter säkularisiirt un d Chloschterchile isch zur Pfarrchile worde. De Wiener Kongress hets Dorf im 1815 em Kanton Bärn zugschproche, wobi de nördlich Teil vom Clos du Doubs zum Bezirk Pruntrut cho isch, de südlich zu de Freibärge. Sit ma am 1. Januar 1979 de Kanton Jura gründt het, ghört Saint-Ursanne zum jüngschte Kanton vo de Schwiiz.
Sehenswürdigkeite[ändere | Quälltäxt bearbeite]
Saint-Ursanne het es malerischs mittelalterlichs Schtadtbild. D Schtiftschile, e romanischi Pfilerbasilika mit ere Krypta unterm Chor isch us em 12. bis 14. Johrhundert. Vo de Abtei us em 11. Johrhundert het ma s Kapitelle un Teili vom Nordportal ibezoge. S Südportal (um 1200) isch im Schtil vo de burgundische Romanik gschtaltet un ghört zu de bedütendschte Portäl mit dere Schtilrichtig in de Schwiiz. S Chileschiff isch erscht spöter entschtande un goht schtilmässig scho in d Richtig vo de Gotik. S Innere vo de Chile isch im 18. Johrhundert gschtaltet worde.
De Turm vo de Chile isch im 1442 noi bauet worde. Uf de Bärgsite vo de Chile isch de Chrüzgang. Er isch im frühgotische Stil gschtaltet un ischim 14. Johrhundert bauet worde.
In de ehemalige Pfarrchile Saint-Pierre sin bedütendi Sarkophag us de Ziit vom Hochmittelalter.
-
Saint-Ursanne -
de Mei-Brunne -
Doubsbrücke un Porte Saint-Jean -
De Heilig Nepomuk uf de Bruck über de Doubs -
De mittelalterlich Schtadtkern mit em Schtadttor -
D Schtifts-Chile -
D Schtifts-Chile -
S Südportal vo de Chile -
De Chrüzgang -
Detailasicht vor Chile mit de Bäum
Lüüt[ändere | Quälltäxt bearbeite]
- Ferdinand Raspieler (1696–1762), en Pfarrer, Dichter und Lexikograaf, z Saint-Ursanne uf d Wält cho
Weblink[ändere | Quälltäxt bearbeite]
Commons: Saint-Ursanne – Sammlig vo Multimediadateie- Jean-Paul Prongué: Saint-Ursanne (Dorf). In: Historisches Lexikon vo dr Schwiiz.
Fuessnoote[ändere | Quälltäxt bearbeite]
- ↑ Bilanz der ständigen Wohnbevölkerung nach Bezirken und Gemeinden uf bfs.admin.ch (Bundesamt för Statistik)
|
Dä Artikel basiert uff ere fräie Übersetzig vum Artikel „Saint-Ursanne“ vu de dütsche Wikipedia. E Liste vu de Autore un Versione isch do z finde. |