Dr Basler Stäbler

Us der alemannische Wikipedia, der freie Dialäkt-Enzyklopedy
Dialäkt: Baseldütsch
E Stäbler-Münze vo dr Stadt Basel

Dr Stäbler (au Stebler) isch e Münze gsi, wo d Stadt Basel gschlaage und uusegee het, wo si 1372 s Münzrächt überchoo het. D Münze si kwadratisch gsi und nume uf äinere Site gschlaage worde. Si häi öbbe 0,15 Gramm Silberfiingwicht ghaa. S Münzbild, e Baaselstaab (Bischofsstaab), s Wabbe vo dr Stadt Baasel, isch im ene hooche Rölief, wäärend die hinderi Site hool bliibe isch. Wäge däm wird dr Stäbler in dr Numismatik as Brakteat (Hoolmünze) bezäichnet.

Wo dr Rappemünzbund gründet worde isch, isch dr Naame denn für Zwäirappestück brucht worde. Mä het dr Stäbler bis ins 16. Joorhundert as Zaaligsmiddel verwändet. Au anderi schwizerischi Münzständ häi Stäbler brägt, allerdings si die weniger wärt gsi as die vom Rappemünzbund. Stäbler und Rappe (Zwäiling) si am Aafang die äinzige Silbernominale vom Rappemünzbund gsi, bi gröössere Gäldgschäft het mä Goldgulde brucht.

Litratuur[ändere | Quälltäxt bearbeite]

Weblingg[ändere | Quälltäxt bearbeite]

Kwelle
  • Das große Münzen-Lexikon. Abschnitt: Rappenmünzbund uf reppa.de
  • Das Numis-Lexikon. Abschnitt: Stäbler uf numis-online.ch
Dä Artikel basiert uff ere fräie Übersetzig vum Artikel „Stäbler_(Münze)“ vu de dütsche Wikipedia. E Liste vu de Autore un Versione isch do z finde.