Spiegel-Verlag

Us der alemannische Wikipedia, der freie Dialäkt-Enzyklopedy
Nöibau vom Spiegelverlaagsgeböid uf em Jonas

Dr hütig Spiegel-Verlag Rudolf Augstein GmbH & Co. KG het sit 1952 si Sitz in Hamburg in dr Brandstwiete und broduziert dört näben em Hauptblatt Der Spiegel au s manager magazin. Dr Augstein het in sim Testamänt Ändi 2002 verfüegt, ass sini Erbe äi Brozänt vo iirem Aadäil an die bäide üübrige Gsellschafter müessi verchaufe, und eso häi si iiri Speerminoridäät vo 25 Brozänt verloore. 50,5 Brozänt vo de Aadäil an dr Verlaags-Holding Rudolf Augstein GmbH si jetzt im Bsitz vo dr Kommanditgsellschaft vo de Mitarbäiter. Über die rästlige 25,5 Brozänt verfüegt dr Hamburger Mediekonzärn Gruner und Jahr, e Dochter vo dr Bertelsmann AG.[1] Dr Gschäftsfüerer vom Spiegel-Verlaag isch sit 1991 dr Karl Dietrich Seikel gsi. Im Januar 2007 het en dr Mario Frank, dr ehemoolig Gschäftsfüerer vom Dresdner Druck- und Verlaagshuus, abglööst. Sit em 15. Septämber 2008 füert dr früener Verlaagsgschäftsfüerer vo dr Stern-Grubbe, dr Ove Saffe, d Gschäft bim Spiegel-Verlaag.[2]

S Verlaagsgeböid[ändere | Quälltäxt bearbeite]

Dr Nöibau Zur blauen Stunde vo dr Oberhaafebrugg us gsee.

D Redakzioon isch im Pressehaus an dr Domstrooss gsi, wo sich au d Redakzioone vo dr ZEIT und vom Stern befunde häi. 1968 isch dr Verlaag an d Brandstwiete züüglet. Dr Werner Kallmorgen het dört vo 1963 bis 1967 uf eme lange dreieggige Grundstück zwüsche dr Willy-Brandt-Straße, Dovenfleet und Brandstwiete zwäi Geböid baut, dr Spiegelbau, wo betoonti, dräägendi Elimänt het und e flachs Geböid nääbedraa, und e Geböid mit ere glatte dunkle Glaasfassade, wo ursprünglig für d IBM baut worden isch und wo hüte d Redakzioon vom manager magazin din isch.[3]

Dr Verlaag het in dr HafenCity uf dr ehemoolige Bastioon Jonas e nöis Geböid noch Entwürf vom däänische Archidekt Henning Larsen lo baue. Es isch im Septämber 2011 bezooge worde.[4][5]

Fuessnoote[ändere | Quälltäxt bearbeite]

  1. Gesellschafter und Beteiligungen. (Memento vom 25. Februar 2012 im Internet Archive) Spiegel-Gruppe
  2. Ove Saffe kommt bereits am 15. September zum „Spiegel“ (Memento vom 12. Jänner 2012 im Internet Archive) Horizont.Net, 26. August 2008.
  3. Ralf Lange: Architektur in Hamburg: Der große Architekturführer. Hamburg 2008, A 39.
  4. Ein Blick in die Zukunft – Der SPIEGEL-Neubau in der Hafencity. (Memento vom 10. Augschte 2011 im Internet Archive) Abgrüeft am 8. April 2010.
  5. Der Spiegel, Nr. 38 vom 19. September 2011, S 154 f

Koordinate: 53° 32′ 49,1″ N, 9° 59′ 51,9″ O