Spiissalz

Dialäkt: Schwäbisch

D Vrsuachong

Himalayasalz

Salzkrischtall (Meersalz)

S Spiissalz, au Chochsalz oder churz Salz, isch des Salz, mo ma en dr Kich braucht. S bsteht en dr Hauptsach aus Natriumchlorid.

Vrwendong

Salz isch oine vo de wichdigschde Sacha beim Essa. Zwenig ond zviel isch schleachd. Bei de moisschte Gricht braucht ma a bissle, au we ma s hintrher ned schmeckt. En friehere Zeita war s Handlswaar, mo Leut reich gmacht hot, manchmol abr au net.

Eimol isch es a

• Gwürz, abr au zom
• Konserviera ond
• Kältemiddl en Lösong, als
• Auftaumittl ond zom
• Inhaliera bei Longabroblem

Konserviera

Zum Eisalza vo Gmüas, Sauergraud ond au sooscht, wird s no emmer brauchd. Floisch duat ma au eisalza, au vor em Räuchra.

Vorkomma en Bade-Wirtteberg

• Heilbronn
• Stetten

Au heit no suacht ma noch m Salz.

Herkomma

Des Salz send Spura vo Meer, dia frühr da gwesa send (so wia d Verstoineronga).

Herschdellong

S wurd als

• Schdoisalz em Bergwerk gwonna ond als
• Siedsalz hergschdelld, wenn s als Sole aus anara Quell kommt. Dia Sole ka ma konzendrira em Gradierwerk, damit s Auskocha vom Wassr net so viel koschdat.

• 
  Siedepfanne
• 
  Salzwerk Bad Friedrichshall-Kochendorf

Gschicht

En onsrar Gegnd isch Hall a Ord an dem scho vo de Kelta Salz gwonna worda isch. 'Hal' isch aus m Keltischa, wo s 'Saline' moint. Wia groass d Bedeitong war, ka ma dra seha, dass d Schwäbisch Haller Münz em "Heller" da Nama geba hot.

• 
  Händelheller, 13. Jhdt.
• 
  Schüssel-Heller
• 
  Berner Heller

Alde Vrwendonga

Oi Vrwendong isch au Gschichd: Salza vo Obschd, wesdrwega s Gsälz Gsälz hoissd. Andrs hot ma manche Sacha hald et konservira kenna. Dr Zuckr war friehr z deir, dr Honig au rar.

Guck au

• Schwarzwälder Schenga
• Sauergraud

Weblink

• Geologische Schdrukdur vo Baden-Württemberg