Spanisch Brötli

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Schpanisch Brötli

Es Schpanisch Brötli isch es Gebäck, wo mindescht sit em Aafang vom 18. Johrhundert z Bade im Kanton Aargau hergschtellt wird.


De Name hei d Schpanisch Brötli, wil si urschprünglich us Mailand cho sind, wo zwar z Italie ligt, aber im 16. Johrhundert unter de Herrschaft vo de Schpanische Könige gschtande-n-isch. Z Bade sind si s erschti Mol im 1701 in erem Buech vom Samuel Hottinger gnennt, aber z Bade sind si sicher scho voranne hergschtellt worde. In de Zit, wo z Bade d Tagsatzige vo de Eidgenossenschaft schtattgfunde hei, ischs Schpanisch Brötli bekannt und belibt worde. Bsunders gärn hät d Oberschicht vo de Schtadt Züri di Schpanisch Brötli gha, wo wägem hohe Aateil an Anke im Teig im schtreng zwinglianische Züri als Luxus verbote si gsi.