Schpanisch Brötli

Us der alemannische Wikipedia, der freie Dialäkt-Enzyklopedy
Schpanisch Brötli

Es Schpanisch Brötli isch es Gebäck, wo mindescht sit em Aafang vom 18. Johrhundert z Bade im Kanton Aargau hergschtellt wird.

Gschicht[ändere | Quälltäxt bearbeite]

De Name hei d Schpanisch Brötli, wil si urschprünglich us Mailand cho sind, wo zwar z Italie ligt, aber im 16. Johrhundert unter de Herrschaft vo de schpanische Könige gschtanden isch. Z Bade sind si s erschti Mol 1701 im ene Buech vom Samuel Hottinger erwähnt worde, aber si sind dört sicher scho voranne hergschtellt worde. In de Zit, wo z Bade d Tagsatzige vo de Eidgenosseschaft schtattgfunde hei, isch s Schpanisch Brötli bekannt und belibt worde. Bsunders gärn hät d Oberschicht vo de Schtadt Züri di Schpanische Brötli gha, wo im schtreng zwinglianische Züri als Luxus verbote si gsi, wil s e so vil Anke im Däig gha get.

Wo 1847 die Schwizerischi Nordbaan vo Züri uf Bade as ersti Baanstrecki in dr Schwiz iigweiht worde isch, het mä Spanischi Brötli per Baan uf Züri brocht, was nume 45 Minute brucht het. Das isch eso beliebt worde, ass d Lüt dr Baanlinie nume no die Spanischbrötlibahn häi afo sääge.

Weblink[ändere | Quälltäxt bearbeite]