Soubey

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Soubey
Wappe vo Soubey
Basisdate
Staat: Schwiiz
Kanton: Jura (JU)
Bezirk: Fribärgew
BFS-Nr.: 6759i1f3f4
Poschtleitzahl: 2887
Koordinate: 570614 / 23994547.3097267.050013476Koordinaten: 47° 18′ 35″ N, 7° 3′ 0″ O; CH1903: 570614 / 239945
Höchi: 476 m ü. M.
Flächi: 13.51 km²
Iiwohner: 144 (31. Dezämber 2013)[1]
Website: www.soubey.ch
Soubey

Soubey

Karte
Karte von Soubey
w

Soubey isch e Gmeind im Bezirk Freibärge im Schwiizer Kanton Jura. Si isch di einzig Gmeind im Clos du Doubs, wo d Fusion zu de Gmeind Clos du Doubs, wo uf de 1. Jänner 2009 schtattgfunde hät, nöd mitgmacht het.

Geographii[ändere | Quälltäxt bearbeite]

Soubey ghört zum Clos du Doubs, ere Schwiizer Region a de Gränze zu Frankriich, wo in ere Talsenki uf beidne Siite vom Flüssli Doubs ligt. S Dorf isch öppe 7 km nordöschtlich vo Saignelégier, em Hauptort vom Bezirk. De Gmeindsbann het e Flächi vo 13.5 km², dodervo sind 2 % überbaut, 59 % sind bewaldet und uf 37 % wird buuret. Nochbargmeinde von Soubey sind im Kanton Jura Saignelégier, Les Enfers, Montfaucon und Clos du Doubs und z Frankriich Burnevillers und Indevillers.

Geschichte[ändere | Quälltäxt bearbeite]

Soubey

S Dorf taucht zum ersche Mol in ere Urkund vo 1340 uf, wo de Ort Subeis gnennt wird. Es het in dere Ziit zu de Pfarrei Chercenay ghört. Chercenay isch en Wiler in de Gmeind Soubey, wo scho im 1139i s erschti Mol gnennt wird. Au d Wiler Froidevaux und Lobchez werdet scho vor 1340i in Urkunde gnennt. S Dorf het zu de Propschtei vo Saint-Ursanne ghört. Vom 1793i bis ins 1815 het Soubey zu Frankriich ghört, zerscht zum Département du Mont-Terrible, dann ab em 1800i zum Département Haut-Rhin, em Oberelsass. De Wiener Kongress het im 1815 entschide, dass Soubey zum Bärn chunnt, vo wo s uf de 1. Jänner 1979 zum noi gründete Kanton Jura cho isch. Im April 2010 het Soubey in de Schwiiz Schlagziile gmacht[2], wil d Gmeind überlegt, sich zu de erschte "elektrosmogfreie Gmeind" in de Schwiiz z erkläre und so noii Iiwohner z werbe, wo unterm Elktrosmog düent liide.

Fuessnote[ändere | Quälltäxt bearbeite]

  1. Statistik Schweiz – STAT-TAB: Ständige und Nichtständige Wohnbevölkerung nach Region, Geschlecht, Nationalität und Alter (Ständige Wohnbevölkerung)
  2. Tagesanzeiger vom 6. April 2010, Site 2

Weblink[ändere | Quälltäxt bearbeite]

 Allmänd (Commons): Soubey – Sammlig vo witere Multimediadateie

Einzelnochwis[ändere | Quälltäxt bearbeite]