Sosigenes aus Alexandria

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Dialäkt: Markgräflerisch (Ebringe)

Dr Sosigenes us Alexandria (agr. Σωσιγένης ὅ ᾿Αλεξανδρεύς, Sōsigénēs hó Alexandréus) isch e hellenistisch-ägyptische Astronom gsi, wo bi dr Kalenderreform underem Gaius Iulius Caesar (Julianischer Kalender), näbe andere wie wohrschinlich au Acoreus, als Beroter dätig gsi isch. Er het au im Caesar si Schrift "De Astris", us dere numme no Fragmenter yber Witterigszeiche bechannt sin, beiflusst het. Plinius dr Älder yberlieferet in sinere "Naturgschichte" d'Erchenntnis vum Sosigenes un Kidenas, dass dr Merkur niemols meh wie 22 Grad vu dr Sunne entfernt sto dät. (Buech II, 39) Sosigenes us Alexandria ghört also im 1. vorchristliche Johrhundert a, gnauers isch nit yber ihn bechannt.

Hiwiis: Dr Sosigenes us Alexandria isch nit z'verwexle mit em gliichnammige Sosigenes dr Peripatetiker, wo sich ebefalls mit astronomische Themen beschäftigt het.

Wohl beide z'Ehre isch dr Krater Sosigenes uffem Erdmo benennt worre.

Dä Artikel basiert uff ere fräie Übersetzig vum Artikel „Sosigenes_aus_Alexandria“ vu de dütsche Wikipedia.

E Liste vu de Autore un Versione isch do z finde.