Sondermülldeponie Kölliken
Us der alemannische Wikipedia, der freie Dialäkt-Enzyklopedy
| Technische Yschränkung: Dr koräkt Titel wär: »Sondermülldeponie Chölike« |
D Sondermülldeponie Chölike (SMDK) isch e vo 1978 bis 1985 betriebeni Deponie für Sonderabfäll in de Schwiizer Gmeind Chölike.
Inhaltsverzeichnis |
[ändere] Vorgschicht
Zur Betriebig vo de Sondermülldeponie isch zunächscht es Konsortium gründet worde. Partner in dem Konsortium sin d Kantön Aargau un Züri gsi, usserdem d Stadt Züri un d Basler Chemiegruppe. S Ziel isch gsi de Industrie un em Gwerb d Möglichkeit zgäh, ihre Sonderabfäll suuber z entsorge.
[ändere] De Betrieb
D SMDK isch am 16. Mai 1978 in ere alte Tongruebe z Chölike eröffnet worde. D Bedinige für d Iilagerig sin für damalige Verhältnis streng gsi, aber mer het net gmerkt, welli Problem nach längerer Lagerig vom Ghüdder chönnte entstah. Au sin Sache deponiert worde, wo mer us hütiger Sicht net dürfd iilagere, zum Bischpiel liicht lösligi Salz. Au d'biologische Abbauprozess het mer unterschätzt. So hei sich mit de Ziit d Aawohner über de Gschmack beschwert un s het es Fischsterbe in de Umgebig ghä. Weil s Betribskonsortium nüt unternoh het, het de Gmeindrat vo Chölike im April 1985 d Schliisig vo de Deponie verfüegt.
[ändere] Sanierig
Bald het mer feschtgstellt, dass ma d Deponie nöt cha la sii wie sie isch. S Konsortium het deswäge zwische 1986 un 1990 zerscht emol de Ist-Zustand eruiert vo 1991 bis 2001 Sicherigsmassnahme durregführt und ab 2002 de Rückbau ve de Deponie vorgsäh.
Im Januar 2005 het mer mit de Gsamtsanierig aagfange. Insgsamt müent 550 000 Tonne Material abgfüehrt werde. Um Lärm- un Gschamckebeläschigunge z vermiede, het me die gröschti Halle vo de Schwiiz über de ehemalige Deponie bauet. Wege em Brand im Juni 2008 sind Sanirigsarbeite vorübergehend iigstellt worde, um s Sicherheitskonzept neu z überarbeite.
