Sokollu-Mehmet-Pascha-Moschee in Kadırga

Us der alemannische Wikipedia, der freie Dialäkt-Enzyklopedy
Hops zue: Navigation, Suech
D Sokollu-Mehmet-Pascha-Moschee

D Sokollu-Mehmet-Pascha-Moschee (Kadırga Sokollu/Sokullu Mehmet Paşa Külliyesi) isch e Moschee z Kadırga in Istambul. Si isch e Wärk vom begnaadete osmanische Archidekt Sinan.

D Moschee isch vo öbbe 1567/68 bis 1571/72 entstande. Si het säggs Pfiiler und vier diagonaale Halbkupple. Si isch äins vo de schönste Bischbil von ere glungene Kombinazioon vo dr Baustruktur mit dr Dekorazioon mit Blättli und Moolereie. D Blättli und d Stäiglaasfänster ghööre zu de schönste us dr osmanische Zit. Öbbis Bsundrigs in dere Moschee si zwäi Splitter vom schwarze Meteorit in dr Kaaba z Mekka.

Dr Sinan het dr Hüügel, wo dr Komplex druf stoot, in si Baublaan iibezooge, und het bim Iigang e Stääge baut, wo dr Höörsaal sich drüüber befindet. D Löösige, won er gfunde het, si komplex und schaffe e groossi rüümligi Homogenidäät, wo dr rächteggigi Grundriss drbii erhalte blibt und d Vertikalidäät bedoont wird, was in dr islamische Archidektuur nöi isch.

Galerii[ändere | Quälltäxt bearbeite]

41.0049128.97198Koordinate: 41° 0′ 17,7″ N, 28° 58′ 19,1″ O