Die Sizilianischi Vesper

Us der alemannische Wikipedia, der freie Dialäkt-Enzyklopedy
Die Sizilianischi Vesper vom Francesco Hayez, 1846

As Sizilianischi Vesper bezäichnet mä dr Ufstand, wo am 30. Merz 1282 (am Oostermäändig zur Zit vo dr Vesper, d. h. vom Oobegebät) zerst z Palermo uf Sizilie usbroche isch. Er isch gege die franzöösischi Herrschaft under em Karl I. grichdet gsi. Dr Ufstand isch vo de Byzantiner understützt worde, wo dr Komflikt zwüsche de Ghibelline und Guelfe usgnützt häi, zum dr Chrüzzuug gege sä, wo dr Karl blant het, z veritle. Dr Ufstand het sich schnäll über die ganzi Insle usbräitet und Duusigi vo Franzoose si vo dr Bevölkerig umbrocht worde.

Dr Köönig Peter III. vo Aragón, wo d Verschwöörig gege d Franzoose uf dr Insle vorberäitet het, isch z Trapani glandet, uf Palermo zooge und het sich zum Köönig vo Sizilie lo broklamiere. Dr Babst Martin IV. het dr Peter druf exkommuniziert, aber zum Chrüzzuug gege Aragon, wo dr Karl het welle, isch s nid cho. Er het nämlig si Flotte verloore und isch vo denn a beschäfdigt gsi, siini Bsitz uf em italiänische Festland um si nöiji Hauptstadt Neapel ume z verdäidige.

Litratuur[ändere | Quälltäxt bearbeite]

Weblingg[ändere | Quälltäxt bearbeite]

 Commons: Sizilianische Vesper – Sammlig vo Multimediadateie