Simon Ammann

Us der alemannische Wikipedia, der freie Dialäkt-Enzyklopedy
Hops zue: Navigation, Suech
dr Simon Ammann

Dr Simon Ammann (* 25. Juni 1981 z Grabs) isch e Schwiizer Skispringer. Dr Ammann isch z Underwasser im Kanton Sanggalle ufgwachse und im Toggeborg au i d Schuel gange. Er wohnt sit 2008 mit siiner Frau z Schindellegi im Kanton Schwyz.

Erfolg[ändere | Quälltäxt bearbeite]

Siini grössten Erfolg het dr Ammann bi de Olympischi Winterspiil 2002 z Salt Lake City und bi de Olympische Winterspiil 2010 z Vancouver gfiirt, won er uf dr Normal- und au uf dr Grossschanze gwunne het und demit Doppelolympiasiger worde isch. En witere Höhepunkt vo sinere Karriere isch im Dezämber 2006 de Siig uf de Schanze z Lillehammer gsi. Döt isch sin Tiimkoleeg, de Andreas Küttel, zweite worde und so händ die baide de ersti Schwizer Doppelsiig i de Gschicht vom Wältcöp bim Skispringe gschafft. För de Ammann hät da au bedüüted, dass er s erstmol i sinere Karriere de Wältcöp aagfüert hät.

Dr Simon Ammann ghört im Skispringe zur Wältspitze. Mit vier Goldmedaille isch er dr erfolgriichsti schwiizerischi Winterolympionik und dr erfolgriichsti Skispringer bi olympische Einzelwettbewärb. In dr Saison 2009/10 het er dr Gsamtwältcup gwunne.

Am 29. Dezämber 2013 hät de Simon Ammann bim Eröffnigsspringe vo de Vierschanzetournee z Oberstdorf de erst Platz gmacht. Er gwünnt dodemit sis 21. Wältcupspringe.

Weblink[ändere | Quälltäxt bearbeite]

 Allmänd (Commons): Simon Ammann – Sammlig vo witere Multimediadateie