Sihlsee

Us der alemannische Wikipedia, der freie Dialäkt-Enzyklopedy
Sihlsee
de Sihlsee mit em Fluebrig
de Sihlsee mit em Fluebrig
de Sihlsee mit em Fluebrig
Laag: Schwiz, Kanton Schwyz
Zueflüss: Sihl, Minster
Abflüss: Sihl
Gröösseri Ort am Ufer: Gross, Euthal, Willerzell
Sihlsee (Schweiz)
Sihlsee (Schweiz)
Sihlsee
Sihlsee
Koordinate 702204 / 219933Koordinate: 47° 7′ 21″ N, 8° 47′ 8″ O; CH1903: 702204 / 219933
Date über s Bauwärk
Sperrityp: Boogegwichtmuure
Bauzit: 1932 bis 1936
Hööchi vom Absperrbauwerk: 33 m
Hööchi über dr Gwässersoole: 23 m
Bauwärkvolume: 25 000 m³
Chronelengi: 124 m
Date über e Stausee
Wasseroberflechi bi Vollstau: 10,72 km²
Stauseelengi: 8,5 km
Stauseebräiti: 2,5 km
Spiicherruum: 96,5 Mio m³
Iizugsgebiet: 156 km²
Bemässigshoochwasser: 340 m³/s
Bsundrigs:

dr Flechi nooch dr gröscht Stausee in dr Schwiz

BFS-Nr.: 9216

De Sihlsee isch en Stau- oder Spychersee im Sihlhochtal bi Aisidlä im Kanton Schwyz.

Stauwärk[ändere | Quälltäxt bearbeite]

De See werd vo de Sihl durflosse und hät drü Bauwärch, wonen staued. Do isch emol e 33 Meter hochi und 124 Meter langi Stumuur am Nordendi vom See, wo de Abfluss i d Sihl reglet. Im Nordweste verhinderet de Hüendermattdamm, wo mit schwäre Stai uf de Seesyte baut worde isch, es abflüüsse i Richtig Alp (en Fluss, wo vom Brunni her chunnt). Dänn häts no am ander Endi (Südsyte) en öpe 800 Meter lange Abschlussdamm, wo es Überlaufe quasi rückwärts i Richtig Underiibrig oder Stuude verhinderet.

Mit ere Flächi vo 10,72 km² isch de Sihlsee de flächemässig grösti Stausee vo de Schwiz. Er hät e Längi vo 8,5 km und e maximali Braiti vo 2,5 km. Mit ere Tüüfi vo 23 Meter isches zuglich vo dä grosse Stauseea i de Schwiz, dä, wo am wenigste tüüf isch. D Höchi vom normale Wasserspiegel werd mit 889 m ü. M. aageh.

di vorder Brugg vo Birchli uf Wilerzäll übere

Gschicht[ändere | Quälltäxt bearbeite]

Mit em Bau vo de nötige Bauwärk, inkl. dä beede Brugge und de Strosse rundume, hät me 1932 aagfange. 1937 isch denn s Tal gflueted worde und de Betriib vom Etzelwärk zwüsched Altedorf und Pfäffike ufgno worde.[1]

Lueg au[ändere | Quälltäxt bearbeite]

 Commons: Sihlsee – Sammlig vo Multimediadateie

Fuessnote[ändere | Quälltäxt bearbeite]

  1. Das Etzelwerk (Memento vom 12. Augschte 2011 im Internet Archive) (PDF-Datei; 924 kB)