Schweizer Schokolade

Us der alemannische Wikipedia, der freie Dialäkt-Enzyklopedy
Hops zue: Navigation, Suech

D Schwiizer Schoggolade (au Schwiizer Schoggi gnännt) isch e gschützte Härkumftsbegriff für Schoggi, wo in dr Schwiiz härgstellt wird.

Schwiizer Schoggi im ene Supermarkt

Gschicht[ändere | Quälltäxt bearbeite]

D Schoggi isch im Lauf vom 16. Johrhundert uf Europa cho. Spötistens im 17. Johrhundert isch si au in dr Schwiiz bekannt und broduziert worde. Us em 18. Johrhundert si nume e baar Bedriib bekannt, wo Schoggi härgstellt hai, bsunders us em Tessin und em Bassin Lémanique.

Im Lauf vom 19. Johrhundert und anfangs 20. Johrhundert si e Hufe Schoggifabrike gründet worde:

Vo dr zweite Helfti vom 19. Johrhundert aa het sich d Schwiizer Schoggi im Usland e Ruef afo mache. Mit däm hängt d Erfindig vo dr Milchschoggi dur e Daniel Peter und d Erfindig vom Conchiere (Fondantschoggi) dur e Rodolphe Lindt zäme.

Absatzmärkt[ändere | Quälltäxt bearbeite]

Die schwiizerischi Schoggiindustrii isch im spoote 19. Jhrhundert bis zum Erste Wältchrieg sehr exportorientiert gsi. Noch em Zweite Wältchrieg hai d Schwiizer Schoggoladebroduzänte wäge Handelsrestriktione aagfange, für s Usland bestimmti Schoggene im Usland z broduziere.

D Schwiiz isch hüte dr grösst Absatzmärt für Schoggi, wo in dr Schwiiz broduziert worden isch (54 % im Johr 2000), wobii d Schwiizerinne und Schwiizer pro Chopf wältwiit am meiste Schoggi konsumiere (im Johr 2007 12,3 kg pro Person und Johr).

Im Johr 2004 si lut Chocosuisse in dr Schwiiz 148'270 Donne Schoggi und Schoggoladebrodukt broduziert worde, do drvo si 53 % exportiert worde (20 % uf Dütschland, je 11 % uf Frankriich und Grossbritannie und 13 % uf Nordamerika). Dr Gsamtumsatz vo dr Schoggoladenindustrii in däm Johr 1'365 Millione Schwiizer Franke bedrait (814 Mio. CHF im Inland, 551 im Export).

Struktur vo dr Schwiizer Schoggoladenindustrii[ändere | Quälltäxt bearbeite]

1901 hai sich d Schwiizer Schoggoladebroduzänte in dr Union libre des fabricants suisses de chocolat zsämmegschlosse. Die isch 1916 ufdeilt worde in Chambre syndicale des fabricants suisses de chocolat und Convention chocolatière suisse. Die ehemoligi Chambre syndicale – hüte Chocosuisse – isch en Inträsseverdrätig für Bedriib wo Schoggi broduziere. D Convention chocolatière het für d Qualitet vo dr Schwiizer Schoggolade gsorgt und für en eiheitligi Briispolitik. Si isch 1994 ufglöst word.

Litratur[ändere | Quälltäxt bearbeite]

Weblingg[ändere | Quälltäxt bearbeite]

Dä Artikel basiert uff ere fräie Übersetzig vum Artikel „Schweizer_Schokolade“ vu de dütsche Wikipedia.

E Liste vu de Autore un Versione isch do z finde.