Schwabenkrieg
Us der alemannische Wikipedia, der freie Dialäkt-Enzyklopedy
| Schwobechrieg/Schwiizerchrieg | |||||||||
|---|---|---|---|---|---|---|---|---|---|
 Charte vo de Gebiet wo im Schwobechrieg verwicklet gsi si |
|||||||||
|
|||||||||
| Konfliktparteie | |||||||||
 König Maximilian I. Dr Schwöbisch Bund |
D Eidgenosseschaft:
|
||||||||
| Verlust | |||||||||
| ca. 13'000 | ca. 2'500 | ||||||||
| Schlachten und Gfächt im Schwobechrieg |
|---|
| Gfächt bi Triese · Schlacht bi Hard · Gfächt am Bruederholz · Schlacht bi Schwaderloh · Schlacht bi Frastanz · Schlacht an dr Calve · Schlacht bi Dornach |
Im Schwobechrieg, au Engadiner Chrieg odr Schwiizer Chrieg, het 1499 d Schwiizer Eidgenosseschaft dr Kaiser Maximilian I. (1493-1519) und dr Schwöbisch Bund besiigt und so s chönne verhindere, ass si dr Gemein Pfennig müesse zahle und s Riichskammergricht müesse anerkenne. Im Friide vo Basel het sich d Eidgenosseschaft de facto vom Dütsche Riich glöst, ä Zueschdand wo 1648 im Weschdfälische Friide de jure beschdädigt worden isch.
[ändere] Verlauf
Im Januar 1499 hai die erste Usenandersetzige wägem Münsterdal zwüsche de Tiroler und de Graubündner agfange. Bim liechtesteinische Triese isch s am 12. Februar zum erste Gfächt cho, e Wuche spöter isch am 20. Februar bi Hard die ersti Schlacht gschlage worde, bi welere Duusigi vo Kaiserlige umcho si. Am 22. Merz isch es chliis Gfächt am Bruederholz bi Riinech usgfochte worde, am 11. April bi Schwaderloh in dr Nöchi vo Konstanz, am 17. hai d Eidgenosse Trienge näbe Waldshuet eroberet und am 20. hai si bi Frastanz im Vorarlbärgische im Kaiser Maximilian si Schwöbische Bund besiigt. Am 22. Mai hai die Drei Bünd mit dr Understützig vo dr Eidgenosseschaft bi dr Calve im Münsterdal die Kaiserlige gschlage und in dr letzte Schlacht am 22. Juni hai d Eidgenosse bi Dornach dr Chrieg für sich entschiide.
Am 22. September isch dr Friide z Basel abgschlosse worde.
[ändere] Folge
Ä diräkti Konsequenz vom Resultat vom Schwobechrieg isch d Uufnahm 1501 vo de Riichsschdedt Basel und Schaffhuuse in d Schwiizer Eidgenosseschaft gsi.
