Schulamit Aloni

Us der alemannische Wikipedia, der freie Dialäkt-Enzyklopedy
D Schulamit Aloni (2002)

D Schulamit Aloni (hebräisch ‏שולמית אלוני‎‎; * 29. Nüvämber 1928 z Tel Aviv; † 24. Januar 2014 z Kfar Shmaryahu)[1] isch en israelischi Rächtsaawältin, Menscherächtspolitikere, Schriftstellere und Politikere gsi.

Lääbe[ändere | Quälltäxt bearbeite]

D Schulamit Aloni isch 1928 z Tel Aviv uf d Wält choo. Iiri Eltere si us Pole gsi und häi im Zwäite Wältchrieg in dr britische Armee kämpft. D Schulamit Aloni isch Mitgliid vo dr Hagana und vo dr Hashomer Hatzair worde. Noch dr Schuel isch si zur israelischi Armee und het im Unabhängigkäitschrieg kämpft. Denn isch si Leerere worde und het nääbebi Jura und Wirtschaft studiert. 1959 isch si Mitgliid vo dr Arbäiterbartei worde und vo 1965 in dr Knesset gsässe. Si het sich mit dr Füerig vo iirer Bardei verstritte und het d Bartei Ratz gründet, wo drei Mandat für d Knesset überchoo het. 1991 häi sich Ratz, Schinui und Mapam zur Bardei Meretz zämmedoo und häi 12 Sitz überchoo. D Aloni isch Erziejigsministere worde, het aber scho noch eme Joor müesse zruggdräte. 1996 het si sich us dr Politik zruggzooge.

D Aloni het as scharfi Kritikere vo dr israelische Politik gegenüber de Palästinänser gulte. 2005 het si zämme mit andere Prominänte d Organisazion Jesch Din gründet, wo sich gege d Verletzig vo de Menscherächt vo Palästinänser iigsetzt het.[2] Si het au dr Jimmy Carter understützt, wo dä gsäit het, Israel braktizieri gegenüber de Palästinänser en „Apartheidspolitik“.[3]

D Aloni het dr Israel-Briis üüberchoo und 1998 dr Emil-Grünzweig-Menscherächtsbriis für ir Läbeswärk.

Literarischs Wärk[ändere | Quälltäxt bearbeite]

  • Der Bürger und sein Staat
  • Hesder - Vom Gesetzesstaat zum Halacha-Staat
  • Frauen als Menschen
  • Ich kann nicht anders
  • 22 Jahre lang schrieb Schulamit Aloni eine Kolumne

Weblingg[ändere | Quälltäxt bearbeite]

 Commons: Schulamit Aloni – Sammlig vo Multimediadateie

Fuessnoote[ändere | Quälltäxt bearbeite]

  1. Former minister, Meretz leader Shulamit Aloni dies at 85
  2. Camelia Suleiman: Language and Identity in the Israel-Palestine Conflict: The Politics of Self-Perception in the Middle East. I.B.Tauris, 2011, ISBN 1-84885-819-1, S. 223.
  3. Ardikel uf counterpounch.org (änglisch) Archivlink (Memento vom 8. März 2007 im Internet Archive)
Dä Artikel basiert uff ere fräie Übersetzig vum Artikel „Schulamit_Aloni“ vu de dütsche Wikipedia. E Liste vu de Autore un Versione isch do z finde.