Schnyderli

Us der alemannische Wikipedia, der freie Dialäkt-Enzyklopedy
Schnyderli

Schnyderli (Alburnoides bipunctatus)

Systematik
Ordnig: Charpfenartigi (Cypriniformes)
Familie: Charpfefisch (Cyprinidae)
Underfamilie: Leuciscinae
Gattig: Alburnoides
Art: Schnyderli
Wüsseschaftlige Name
Alburnoides bipunctatus
Bloch, 1782

S Schnyderli (Alburnoides bipunctatus; alemanischi Näme) isch e aapassigsfääige Süesswasserfisch, wo wenig Aasprüch uf s Gwässer het, wos lebt.

Uussie[ändere | Quälltäxt bearbeite]

S Schnyderli isch e chliine silbrige Fisch, wo 13 bis 16 cm lang werd und öppe 30 Gramm wögt. S hett uf de Siite zwoo Raie mit dunkle Pünkt, wo zäme wiene Noot uusgsiend, drum sin Name. D Undersiite isch wiisslich, d Obersiite het e Grüestich, d Flosse sind eener geel oder wiiss.

Verbraitig[ändere | Quälltäxt bearbeite]

S Schnyderli chunnt im europäische Bineland vor, au i de Törkai, im Irak und im Iran isch s haimisch. S lebt i suurstoffriiche Flüüssgwässer mitere starche Ströömig, won e chiisige Grund hend.

Lebeswiis[ändere | Quälltäxt bearbeite]

S Schnyderli isch e Schwarmfisch wo i de Ströömig vom Fluss stoo bliibt und Alge, Plankton, Insektelaarfe und Chliichrepsli fresst. S gumpet aber au usem Wasser um chliini Tierli am Uufer z schnappe. D Laichzitt goot vom April bis in Juni binere Wassertemperatur zwösched 14 und 24 Grad. S Wiibli lait denn 800 bis 3000 Aier uf de chiisigi Grund. Schnyderli wered im zwaite Joor gschlechtsriiff und chönd 8 Joor alt were.

Büecher[ändere | Quälltäxt bearbeite]

Weblink[ändere | Quälltäxt bearbeite]