Schneckenförderer

Us der alemannische Wikipedia, der freie Dialäkt-Enzyklopedy
Hops zue: Navigation, Suech
S Brinzip vom Schnäggeförderer
E horizontale Schnäggeförderer für e Dransport vo Drüübel in ere Wiichällerei

Schnäggeförderer si Förderaalaage für Schüttgüeter, wo uf em Funkzionsbrinzip vo dr archimedische Schruube basiere. S Schnäggegwind lit im ene Droog und wird mäistens vom ene Motor aadriibe. Schnäggeförderer dransbordiere entsprächendi Güeter über meereri Meter, mit Hilf vo Zwüschelaager bis zu 60 Meter. D Förderläistige bewege sich zwüschen e baar cm³/h bis zun e baar hundert m³/h.

Funkzionswys[ändere | Quälltäxt bearbeite]

Dur d Schwärchraft oder wäg de Rybig vom Transportguet a de Troogwänd werd e Draiig vom Material mit em Schnägg verhindered. Säb werd eso fortlaufend witertransportiert. Isch bi me höche Füllgrad d Rybig a de Wand chlii, so rotiert s Guet nu quär zu de Achse vom Schnägg und werd nöd transportiert. Bi me Transport i de Sänkrächte muess drum dur Fliechraft Wandrybig erzügt wärde, wa bedüted, as e höchi Draizahl vo 250 bis 400 Umdraiige pro Minute nötig sind.

Mit eme Schnäggeförderer isch es möglig s Förderguet horizontal, schräg und sogär wärtikal z transportiere. Au chöned während em Transport Verarbeitigsschritt wie Mische, Entwässere oder Komprimiere duregfüert wärde. Chüele oder Tröchne vom Förderguet isch wärend em Transport ebefalls mögli.

Aawändige[ändere | Quälltäxt bearbeite]

Mä cha alli mööglige Güeter mit Schnäggesüsteem fördere. In dr Braxis sis staubförmigi Bulver, chörnigi Granulat, halbfüechti und faserigi Stoff und Flüssigkäite. Si wärde under anderem in Geträidesilo iigsetzt, bi de Hackschnitzel- und Pellethäizige, bi Kunststoffmaschine (Extruder) oder im Fleischwolf. Festi oder zeechi Masse wärde mit Extruder in Beckereibetriib oder in Kunststoffsprützmaschine gförderet.

Chlääbrigi Substanze si weniger gäignet, wie au Fördergüeter, wo us grobe Stück bestöön oder wo liicht chönne usenanderbräche oder verkwätscht wärde.

Wil s Förderguet vom Schnäggegwind immer au gmischt wird, isch s mööglig, ass mä sä in Zemäntbrodukzionsaalaage au verwändet, zum dr Beton mische. Mä git drochnigs Raugmäng, Wasser und Zuesatzstoff im gewünschte Verheltnis gliichzitig in e Schnäggeförderer iine, und am andere Ändi chunnt dr Beton guet gmischt uuse.

In Klärwärk wärde Schnäggebumpaalaage zum Dräckwasser und Schlamm dransportiere seer alt (bis zu 50 Joor), häi gueti Wirkigsgrad, wo fast konkurränzlos si, und chönne au no Grobstoff fördere.

Weblingg[ändere | Quälltäxt bearbeite]

 Allmänd (Commons): Schneckenförderer – Sammlig vo witere Multimediadateie
Dä Artikel basiert uff ere fräie Übersetzig vum Artikel „Schneckenförderer“ vu de dütsche Wikipedia.

E Liste vu de Autore un Versione isch do z finde.