Schlossrued
| Wappe | |
|---|---|
 |
|
| Basisdate | |
| Kanton: | Aargau |
| Bezirk: | Choom |
| BFS-Nr.: | 4142 |
| PLZ: | 5044 |
| Koordinate: | 47.291659 n. Br. 8.091665 ö. L. |
| Höchi: | 499 m ü. M. |
| Flächi: | 7.25 km² |
| Iwohner: | 839 (31. Dezämber 2010) [1] |
| Website: | www.schlossrued.ch |
 Schlossrued |
|
| Karte | |
 |
|
Schlossrued (uusgschbroche [ˈʃlɔs.ruəd])[1] ische Gméind im Bezirk Chom im Schwiizer Kanton Aargou. Si liit im Ruederdaal im Süde vom Kantòon.
[ändere] Geografii
D’Gméind liit im ungere Téil vom Ruederdaal, wo ds Bächli Ruederche dürefliessd, u isch uf bédne Sitene vo Hügelchéttine begränzd. Dr Daalbode isch im obere Déil nür knapp 50 Mèter bréit, wird aber jè mèh s’gäg abe géit bis öppe 250 Mèter bréit. Di nordöschdlechi Siite vom Daal isch schdarch zerglidered u s’hed derte vili churzi Siitedääler mit de Uuslöifer vom Galgemoos (654 m ü. M.) u vom Sämle (643 m ü. M.) wo derzwüsche ligge; die forme d’Gränze zum Wiinedaal. Di südweschdlechi Daalsiite isch regelmässiger gformed u got ufe bis zer Burg (649 m ü. M.) u zum Rang vor Rötler-Hochèbeni; die gränze ds Ruederdaal vom Suhredaal ab. E Kilomèter südöschdlech vor Houptsidlig Schlossrued liit ds Dorf Chirchrued, wo di éinzigi Chile vom ganze Daal schdéit. Drnäbe si dür di ganz Fléchi vor Gméind vili énzelni Buurehööf verschdröit.[2]
D’Fléchi vom Gméindgebiet isch 725 Hèktare gròss, drvòo si 226 Hèktare mit Wald u 57 Hèktare verbouet. Dr höchschdi Punkd isch uf 680 Mèter Höchi am Rang vor Rötler-Hochèbeni; dr diefschdi Punkd isch 475 Mèter höch ar Ruederche.
D’Nachbergméinde si Schöftland im Nordweschde, Unterkulm im Norde, Oberkulm im Oschde, Schmiedrued im Südoschde, Kirchleerau im Süde u Schdaffelbach im Weschde.
[ändere] Weblinggs
Allmänd (Commons): Schlossrued — Witeri Mulitimediadateie zum Artikel- Di offizielli Websiite vor Gméind Schlossrued
- Artikel Kirchrued im Historische Lexikon vo dr Schwiiz
- Artikel Schlossrued im Historische Lexikon vo dr Schwiiz
[ändere] Kwälle
- ↑ Beat Zehnder: Die Gemeindenamen des Kantons Aargau. In: Historische Gesellschaft des Kantons Aargau (Hrsg.): Argovia. Band 100, Verlag Sauerländer, Aarau 1991, ISBN 3-7941-3122-3, S. 380–382.
- ↑ Landes–charte vor Schwiiz, Blatt 1109, Swisstopo.
