Schlacht vo Tanagra, 457 v. d. Z.
| Schlacht vo Tanagra | |||||||||
|---|---|---|---|---|---|---|---|---|---|
| Deil vo: Peloponnesisch Chrieg | |||||||||
 Griecheland zur Zit vom Peloponnesische Chrieg. Dr attisch Seebund isch in rot, dr peloponnesisch Bund in blau. | |||||||||
| |||||||||
| Konfliktparteie | |||||||||
| Sparta | Athen | ||||||||
| Befählshaber | |||||||||
| Nikodemes | Myronides | ||||||||
| Truppesterki | |||||||||
| 11'500 spartanischi Hoplite und Verbündeti | 14'000 Athener und Verbündeti | ||||||||
| Verlust | |||||||||
| umbekannt | umbekannt | ||||||||
D Schlacht vo Tanagra isch e bedütendi Usenandersetzig zwüsche Athen und Sparta im Erste Peloponnesische Chrieg (457–445 v. d. Z.) gsi, het im Joor 457 v. d. Z. stattgfunde und mit eme Siig vo Sparta gändet.
Vorgschicht[ändere | Quälltäxt bearbeite]
Noch de historische Siig über d Perser, wo d Athener und d Spartaner no uf dr gliiche Site kämpft häi, si denn d Spannige zwüsche de zwäi Stedt gwaggse. Dr Bau vo de Lange Muure zwüsche Athen und sim Haafe z Piräus, d Demokratisierig vo Athen under em Ephialtes und dr Attisch Seebund, wo Athen immer mee mee dominiert het, si für d Spartaner e Dorn im Aug gsi. E baar Stadtstaate wie Aigina, Korinth, Epidauros und Doris häi bi de Spartaner Understützig gege Athen gsuecht. Wo au Thebe, d Hauptstadt vo Böozie, sich Sparta aagschlosse het in sim Komflikt mit Phokis, het sich Athen vom Weste wie vom Norde us bedroot gsee und es isch zum Chrieg choo.
D Schlacht[ändere | Quälltäxt bearbeite]
D Hauptkwelle für alles, was mit dr Schlacht zämmehängt, isch dr spööteri athenischi Strateeg Thukydides in sim Dr Peloponnesisch Chrieg, Buech I, 107/108. Dr Nikodemes vo Sparta isch zerst mit 11'500 spartanische Hoplite und de Verbündete uf Thebe marschiert, und Athen het dere Armee dr Wääg zrugg zum Peloponnes versperrt. D Spartaner häi sich in Böozie uf d Schlacht vorberäitet wo d Athener iine mit 14'000 Maa under em Kommando vom Myronides entgegemarschiert si. Bi Tanagra, östlig vo Thebe, am Fuess vom Parnes-Gebirg, wo Attika vo Böozie drennt, isch s zur Schlacht cho. Es gseet us, wie wenn die thessalische Riter, wo mit Athen verbündet gsi si, zur andere Site überglofe si. D Spartaner häi zwar Hufe e Hopliten verloren, häi aber dr Kampf gwunne und dr Wääg zrugg uf Sparta isch wider offe gsi.
D Folge[ändere | Quälltäxt bearbeite]
D Spartaner si zrugg uf Sparta, und d Athener häi d Gläägehäit usgnützt, zum sich nöi z organisiere und häi zwäi Mööned spööter Thebe in dr Schlacht vo Oinofita chönne schloo, und häi vo denn aa ganz Middelgriecheland beherscht.
Litratuur[ändere | Quälltäxt bearbeite]
- I. M. Plant: The Battle of Tanagra: A Spartan Initiative?, in: Historia: Zeitschrift für Alte Geschichte 43 Heft 3 (1994), S. 259-274.
- D. W. Reece: The Battle of Tanagra, in: The Journal of Hellenic Studies 70 (1950), S. 75-76.
- Joseph Roisman: The Background of the Battle of Tanagra and Some Related Issues, in: L’Antiquité Classique 62 (1993), S. 69-85.
|
Dä Artikel basiert uff ere fräie Übersetzig vum Artikel „Schlacht_von_Tanagra_(457_v._Chr.)“ vu de dütsche Wikipedia. E Liste vu de Autore un Versione isch do z finde. |