Schlacht von Myriokephalon

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Schlacht vo Myriokephalon
Deil vo: Byzantinisch-Seldschukischi Chrieg
Crusades surprised by turks.jpg
D Schlacht vo Myriokephalon, historisierendi Daarstellig us em 19. Joorhundert.
Datum 17. Septämber 1176
Ort in dr Nööchi vom Beyşehir-See, in dr hütige Türkei
Usgang Seldschukische Siig[1]
Konfliktparteie
Palaiologos-Dynasty-Eagle.svg Byzantinischs Riich Sultanat Rum
Befählshaber
Palaiologos-Dynasty-Eagle.svg Manuel I. Komnenos
Blason Vide 3D.svg Balduin vo Antiochia
Palaiologos-Dynasty-Eagle.svg Johannes Kantakuzenos
Palaiologos-Dynasty-Eagle.svg Andronikos Batatzes
Coa Hungary Country History Bela III (1172-1196).svg Ompud palatin
Coa Hungary Country History Bela III (1172-1196).svg Leustak wojwode vo Siibebürge
Kiliç Arslan II.
Truppesterki
um 25'000 (möögligerwiis 50'000) umbekannt
Verlust
umbekannt umbekannt

D Schlacht vo Myriokephalon isch en Usenandersetzig zwüschen em Byzantinische Riich und de Seldschuke in Früügie gsi. Si het am 17. Septämber 1176 stattgfunde und d Seldschuke häi d Byzantiner und iiri Verbündete gschlaage.

Vor dr Schlacht[ändere | Quälltäxt bearbeite]

Dr Manuel I. Komnenos het scho Kilikie zruggerooberet und si Macht uf s Fürstedum Antiochia usdeent. Wo denn dr Nur ad-Din vo Aleppo 1174 gstorbe isch und si Noochfolger Saladin sich uf Egüpte konzentriert het, isch dr byzantinisch Kaiser mit ere groosse Armee uf Ikonion (Konya) marschiert.

Die Schlacht[ändere | Quälltäxt bearbeite]

Dr Manuel het öbbe 25'000 Soldate ghaa, drunder Drubbe us em Fürstedum Antiochia und us Ungarn.[2] Im Kiliç Arslan, em Sultan vo Rum, si Armee isch woorschiinlig öbbe gliich grooss gsi. D Türke häi de Byzantiner e Falle gstellt, dr Manuel, wo in dr Noochhuet gsi isch, isch usgrisse und gflüchdet. Si Hauptarmee het kuum chönne kämpfe, wil s so weenig Blatz ghaa het und het sich au nid chönne zruggzie, wil dr Wäg verstopft gsi isch vom äigene Dross. Am Oobe het dr Arslan e Waffestillstand vorgschlaage, wenn d Byzantiner wurde abzie und zwäi Gränzfestige wurde ufgee. Dr Manuel het das aagnoo und isch abzooge

D Folge[ändere | Quälltäxt bearbeite]

Im Manuel sini Chriegsmaschine si verloore gsi und nie me ersetzt worde. Byzanz het aber immer non e Armee ghaa, wo scho churz druf uf em Balkan Chrieg gfüert het. Aber vo denn aa het dr Manuel d Türke nie me aagriffe, und die häi no di no immer mee byzantinischi Gebiet bsetzt.

D Byzantiner häi dr Weste vo Chläiasie no 120 Joor lang chönne halte, bevor die türkische Osmane ganz Chläiasie in dr erste Helfti vom 15. Joorhundert erooberet häi.

Litratuur[ändere | Quälltäxt bearbeite]

  • John F. Haldon: The Byzantine Wars. History Press, Stroud 2008, ISBN 0752445650.
  • Ralph-Johannes Lilie: Die Schlacht von Myriokephalon (1176). Auswirkungen auf das byzantinische Reich im ausgehenden 12. Jahrhundert. In: Revue des Études Byzantines 35 (1977), S. 257–275.
  • Warren T. Treadgold: A History of the Byzantine State and Society. Stanford University Press, Stanford 1997, ISBN 0804726302.

Einzelnachweise[ändere | Quälltäxt bearbeite]

  1. Michael Neumann-Adrian/Christoph K. Neumann: Die Türkei. Ein Land und 9000 Jahre Geschichte. Münche 1990, S. 166
  2. László Markó: Ungarische Würden. Magyar Könyvklub Verlag, Budapest 2000. ISBN 963-547-085-1
Dä Artikel basiert uff ere fräie Übersetzig vum Artikel „Schlacht_von_Myriokephalon“ vu de dütsche Wikipedia.

E Liste vu de Autore un Versione isch do z finde.