Schlacht vo Aigospotamoi
| Schlacht bi Aigospotamoi | |||||||||
|---|---|---|---|---|---|---|---|---|---|
| Deil vo: Peloponnesische Chrieg | |||||||||
 Griechischi Triere | |||||||||
| |||||||||
| Konfliktparteie | |||||||||
| Sparta | Athen | ||||||||
| Befählshaber | |||||||||
| Lysander, Eteonikos, Thorax, Theopompos (?), Gylippos (?) |
Philokles, Konon, Tydeus, Adeimantos, Menandros, Kephisodotos, Eryximachos (?) | ||||||||
| Truppesterki | |||||||||
| öbbe 160 Schiff (?), Landarmee | 180 Schiff | ||||||||
| Verlust | |||||||||
| minimal | 170 Schiffe, Duusgi vo Seelüt | ||||||||
| Schlachte im Peloponnesische Chrieg |
|---|
| Sybota – Potidaia – Spartolos – Stratos – Naupaktos – Plataiai – Olpai – Tanagra – Pylos – Sphakteria – Korinth – Megara – Delion – Amphipolis – Mantineia – Melos – Syrakus – Milet – Syme – Eretria – Kynossema – Abydos – Kyzikos – Ephesos – Chalkedon – Byzanz – Andros – Notion – Mytilene – Arginusen – Aigospotamoi |
D Schlacht bi Aigospotamoi (griechisch Gäisseflüss) het im Septämber 405 v. d. Z. gege s Ändi vom Peloponnesische Chrieg stattgfunde und het Athen iiri ganzi Flotte kostet.
D Schlacht[ändere | Quälltäxt bearbeite]
Dr spartanisch Admiral Lysander het die athenischi Flotte überrascht, wo si am ene ungschützte Strand bi Aigospotamoi glääge isch und vili vo de Ruederer und Soldate an Land noch Ässe gsuecht häi.D Spartaner häi die halb bemannte athenische Triere ooni vil Brobleem chönne eroobere.[1] Dr Lysander het au 3000 Athener an Land ufgriffe und nume nüün athenische Triere under em Konon häi sich chönne zruggzie.[2] Dr Konon het s vorzooge nid sälber uf Athen zruggzgoo und isch uf Züpere gflüchdet.[3]
Noch dr Schlacht het dr Lysander e Gricht vo de Verbündete iiberüft, wo gfunde het, ass d Athener Verbräche begange häige und die athenische Stratege und die gfangene attische Bürger zum Dood verurdäilt het. So wie s dr Xenophon daarstellt, isch das woorschinlig s erste Dribunal gegen e besigt Find wäge dr Verletzig vom Völkerrächt und wäge Verbräche gege d Menschligkäit in dr Gschicht gsi.
D Folge[ändere | Quälltäxt bearbeite]
D Seemacht vo Athen isch in dere Schlacht vollständig vernichdet worde, und wo dr Lysander mit sinere Flotte dr Piraeus blockiert het, isch s Attische Riich verloore gsi, d Stadt het sich nüme chönne verdäidige und het bedingungslos kapituliert. Das isch s Ändi vom Peloponnesische Chrieg gsi.
Litratuur[ändere | Quälltäxt bearbeite]
- Reyhan Körpe & Mehmet Fatih Yavuz, The Location of Aigospotamoi, in: Cigdem Ozkan Aygun (Hg.), SOMA 2007. Proceedings of the XI Symposium on Mediterranean Archaeology, Istanbul Technical University, 24 and 29 April 2007, Oxford 2009, S. 226-227.
Weblingg[ändere | Quälltäxt bearbeite]
- Jona Lendering: Artikel. In: Livius.org (änglisch)