Schlacht bei Marignano

Schlacht bi Marignano

Schlacht bi Marignano
Deil vo: Maliänderchrieg
Schlachtszene
Datum 13.–14. September 1515 Ort in de Nöchi vo Melegnano südöschtlich vo Mailand Usgang Entscheidender französische Sieg
Konfliktparteie
Frankriich, Republik Venedig	Eidgnossenschaft: Züri Bärn Lozärn Uri Schwyz Unterwalde Zug Glaris Fryburg Soledurn Basel Schaffhuuse
Befählshaber
Franz I. Gian Giacomo Trivulzio Ludwig II. von La Trémoille Karl von Amboise	Kardinal Schiner Bürgermeister Marx Röist vo Züri Ammaa Werner Steiner vo Zug
Truppesterki
ca. 30 000 Franzose öppe 12 000 Venezianer	ca. 20 000 Eidgnosse
Verlust
5000–8000	9000–10 000
Pavierzug - Novara - Dijonerzug - Marignano - Bicocca - Pavia

D Schlacht bi Marignano het am 13. und 14. September 1515 in de nöchi vom hütige Ort Melegnano, wo in dere Ziit Marignano gheisse het, schtattgfunde. Es isch en Teil vo de Usenandersetzige zwüsche Frankriich und de Eidgnosseschaft gsi, wo um s Herzogtum Mailand gschtritte hei. D Schlacht bi Marignano isch eini vo de letzschte grosse Schlachte gsi, wo d Eidgnosseschaft dra teilgnoh het.

Für d Eidgnosseschaft isch di Schlacht insofern bedütend, dass si Ufgrund vo de Niderlag ihre Expansionsdrang Richtig Süüde iigschtellt het.

D Niiderlag vo Marignano und die schwiizerischi Neutralitet

Im 19. Johrhundert isch d Niiderlag vo Marignano als eini vo der Ursache für d Neutralitätspolitik dütet worde. Hützudag gseht mä dr Hauptgrund für die schwiizerischi Neutralitet in dr Verstritteheit vo de Eidgenosse vor allem uf ere konfessionelle Basis, wo mit dr Reformation und dr Gegereformation aagfange het; aber au wäge de innere politische und soziale Gegesätz hai si kuum meh chönne e gsamteidgenössischi Bolitik bedriibe.