d Loire-Schlösser

D Loire-Schlösser sind e Grubbe vo Burge und Schlösser z Frankryych.

An dr Loire und iire Nääbeflüss in de franzöösische Regione Pays de la Loire, Centre-Val de Loire und Burgund stöön me as vierhundert Burge, Schlösser und alte Feschtige. Grad au drum isch s Taal vo dr Loire vo Orléans bis zur Mündig vom Fluss in Atlantik zäme mit de Nääbetääler vo dr Indre und dr Cher äins vo de beliebtischte Räiseziil z Frankryych.

Vom Middelalter aa si do wääred alle Epoche vo dr öiropäische Kunschtgschicht Burge und Schlösser entstande, was in dere Vilfalt äimolig isch.

D Schlösser und d Landschaft zwüsche de Stedt Sully-sur-Loire und Chalonnes-sur-Loire ghööre zum Wältkulturerb vo dr UNESCO.

Im Miniaturpark Loireschlösser (franzöösisch: Mini-Châteaux Val de Loire) z Amboise si Modäll vo vierevierzg vo de bekanntischte Schlösser an dr Loire im Maassstab vo 1:25 usgstellt.

e baar vo de Schlösser

• 
  s Schloss Azay-le-Rideau am Indre
• 
  die ehemooligi Burg Le Rivau
• 
  s Schloss Blois, vom Hoof us gsee
• 
  s Schloss Montsoreau und der Loire
• 
  s Schloss Chambord, vom Park us gsee
• 
  s Schloss Chenonceau
• 
  dr köönigligi Woondrakt Angers
• 
  d Burg vo Chinon, wo d Königin Alienor vo Akwitanie zytewys gläbt het

Weblingg

 Commons: Schlösser an dr Loire – Sammlig vo Multimediadateie

• Schlösser an dr Loire uf chateaux-de-la-loire.fr
• Fotene, Video uf weinbrand24.de