Saweh

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Saweh
ساوه
Sardaran square in Saveh.jpg
Sawehساوه (Iran)
Sawehساوه
Saweh
ساوه
Basisdate
Staat: Iran Iran
Provinz: Markazi
Koordinate: 35° 1′ N, 50° 21′ O35.01666666666750.351008Koordinaten: 35° 1′ N, 50° 21′ O
Hööchi: 1.008 m
Iiwooner: 179.009 (2006)
Zitzoone: UTC+3:30

Saweh (Persisch ساوه) isch e Stadt in dr Markazi Browinz im Iran. Si lit öbbe 100 km südwestlig vo Teheran.[1]

Gschicht[ändere | Quälltäxt bearbeite]

Im 7. Joorhundert vor dr Zitewändi isch Saweh e Festig vo de Mede gsi. Under de Parther het si Saavakineh ghäisse, und isch e wichdigs Zentrum in iirem Riich gsi.

Im Middelalter häi d Dalaymite und d Seldschuke dört residiert. Im 13. Joorhundert isch si bi dr Invasion vo de Mongoole schweer beschäädigt worde. Die mongolische Ilchane häi d Stadt denn wider ufbaut. D Timuride (1370 bis 1507) häi Saweh blünderet und under de Safawide (16. bis 18. Joorhundert), wo in Persie dr schiitisch Islam as Staatsreligioon iigfüert häi, het si sich erhoolt und isch wider gwaggse. Wo denn in dr Middi vom 19. Joorhundert Teheran die offizielli Hauptstadt worde isch, het d Stadt vil vo iirer Wichdigkäit verloore und e Hufe Lüt si in die nöji Hauptstadt züüglet.

Dr Marco Polo isch uf em Wääg zum mongolische Groosskhan z Saweh verbii choo und verzellt in sim Buech Il Milione, ass die häilige drei Köönig dört begraabe sige.

Seenswürdikäite[ändere | Quälltäxt bearbeite]

  • D Fritigsmosche, wo d Seldschuke im 11. Joorhundert baut häi.
  • D Maidanmoschee, au Rooti Moschee, us dr Zit vo de Seldschuke.
  • D Jameh Moschee
  • S Imamzadeh Soltan Seyed Eshaq Mausoleum
  • D Sorkhdeh Brugg im Süüde vo dr Stadt
  • D Khamseh-Abad Karavanseräi

Fuessnoote[ändere | Quälltäxt bearbeite]

  1. World Gazetteer: Sāveh

Weblingg[ändere | Quälltäxt bearbeite]

 Allmänd (Commons): Saveh – Album mit witere Multimediadateie
Dä Artikel basiert uff ere fräie Übersetzig vum Artikel „Saveh“ vu de änglische Wikipedia.

E Liste vu de Autore un Versione isch do z finde.