Saul (Händel)

Us der alemannische Wikipedia, der freie Dialäkt-Enzyklopedy
Hops zue: Navigation, Suech

Saul (HWV 53) isch en Oratorium in drei Akt vom Georg Friedrich Händel.

Wie s entstande isch[ändere | Quälltäxt bearbeite]

Dr Händel het dr erst Akt vom 23. Juli bis zum 1. August 1738 komponiert und isch am 8. August mit em zwäite fertig worde. Denn het er die zwäi Akt instrumentiert und het an dr Opere Imeneo afo schaffe. Won er mit deere fertig gsi isch, het er am 19. Septämber wider mit dr Komposizioon vom Saul witergmacht und isch am 27. Septämber fertig worde.

D Uruffüerig het am 16. Januar 1739 im King's Theatre am Haymarket z London stattgfunde.

S Libretto[ändere | Quälltäxt bearbeite]

S Libretto stammt vom Charles Jennens, wo sich uf d Büecher Samuel us dr Bible (1 Sam 18-20,28,31, 2 Sam 1) gstützt het. Es chömme au Ideä us Davideis vom Abraham Cowley din vor und us dr Dragödie The Tragedy of King Saul vom Roger Boyle.

Rolle[ändere | Quälltäxt bearbeite]

D Rolle si bi dr Uruffüerig vo deene Sänger gsunge worde:

  • Saul, Köönig vo Israel - Gustavus Waltz (Bass)
  • David - Mr. Russell (Countertenor)
  • Jonathan, Soon vom Saul - John Beard (Tenor)
  • Michal, Dochder vom Saul - Elisabeth Duparc, "La Francesina" gnennt (Sopran)
  • Merab, Dochder vom Saul - Cecilia Young-Arne (Sopran)
  • Hohebriester - Mr. Kelly (Tenor)
  • Häx vo Endor - woorschinlig d Maria Antonia Marchesini, "La Lucchesina" gnennt (Alt)
  • Gäist vom Samuel - Mr. Hussey (Bass)
  • Doëg, Diener vom Saul - Mr. Butler (Bass)
  • En Amalekiter - Mr. Stoppelaer

Litratuur[ändere | Quälltäxt bearbeite]

  • Winton Dean: Handel's Dramatic Oratorios and Masques. Clarendon, Oxford 1989, ISBN 0-19-816184-0, (Originalausgabe: Oxford University Press, Oxford 1959), (änglisch).
  • Anthony Hicks: Handel, Jennens and Saul. Aspects of a collaboration. In: Nigel Fortune (Hrsg.): Music and theatre. Essays in honour of Winton Dean. Cambridge University Press, Cambridge 1987, ISBN 0-521-32348-7, S. 203–227.
  • Hans Joachim Marx: Händels Oratorien, Oden und Serenaten. Ein Kompendium. Vandenhoeck & Ruprecht, Göttingen 1998, ISBN 3-525-27815-2.
  • Albert Scheibler, Julia Evdokimova: Georg Friedrich Händel. Oratorien-Führer. Edition Köln, Lohmar 1993, ISBN 3-928010-04-2.

Weblingg[ändere | Quälltäxt bearbeite]

  • D Partitur vo Saul (Usgoob vom Friedrich Chrysander, Leipzig 1862)