Samojedischi Sproche

Dialäkt: Undermarkgreflerisch

Verbreitig vu dr samojedische Sproche im 17. Johrhundert (rot gstrichlet) un im 20. Johrhundert (rot)

Di samojedische Sproche wäre vu rund 30.000 Mänsche im nerdlige Oschteuropa und im nordweschtlige Sibirie gschwätzt. Si sin mit dr finno-ugrische Sproche verwandt un bilde mit ihne di Uralisch Sprochfamilie. In dr letschte Johr wird au ne Verwandtschaft mit dr jukagarische Sproche z Nordost-Sibirie dischpetiert.

Am meischte verbreitet isch s Nenzisch, wu au as Schrift- un Amtssproch vun e baar autonome Chreis (russ. Okrug) z Russland brucht wird. D Sproche vu dr Wald-Nenze, dr Enze un dr Nganasane wäre nume vu wenige hundert Mänsche gschwätzt un sin schriftlos. D Sproch vu dr Selkupe, wu au nit gschribe wird, isch di letscht läbig Sproch vu dr Sid-Samojedische Sproche, wu z Sidsibirie verbreitet gsi sin. E Deil vu dr Vorfahre vu dr Kamassiner un vu andere sibirische Turkvelker hän no bis ins 18. Johrhundert Sid-Samojedisch gschwätzt. Zue däne uusgstorbene Sproche ghert au s Matorisch.

Lischt vu dr samojedische Sproche

• Nord-Samojedischi Sproche
  • Nenzisch (Tundra-Nenzisch)
    • Wald-Nenzisch
  • Jurakisch (Ostnenzisch, Jurazisch) (uusgstorbe)
  • Enzisch (Jenissei-Samojedisch)
  • Nganasanisch (Tawgi-Samojedisch)
• Sid-Samojedischi Sproche
  • Selkupisch (Ostjak-Samojedische)
  • Matorisch (uusgstorbe)
  • Kamassisch (as samojedischi Sproch uusgstorbe)

Weblink

• Nganasanisch (M. Katzschmann)
• Wortlischt Wald-Nenzisch - Änglisch
• Typologie der Negation in den ob-ugrischen und samojedischen Sprachen

Dä Artikel basiert uff ere fräie Übersetzig vum Artikel „Samojedische_Sprachen“ vu de dütsche Wikipedia. E Liste vu de Autore un Versione isch do z finde.