Saignelégier
| Wappe | |
|---|---|
 |
|
| Basisdate | |
| Kanton: | Jura |
| Bezirk: | Freibärge |
| BFS-Nr.: | 6757 |
| PLZ: | 2350 |
| Koordinate: | 47.256945 n. Br. 6.997234 ö. L. |
| Höchi: | 978 m ü. M. |
| Flächi: | 31.72 km² |
| Iwohner: | 2.501 (31. Dezämber 2010) [1] |
| Website: | www.saignelegier.ch |
| Karte | |
 |
|
Saignelégier isch e Gmeind im Bezirk Freibärge im Schwiizer Kanton Jura. Es isch de Hauptort vom Bezirk. Früener het ma mengisch de dütsch Näme Sankt Leodegar bruucht, hüt sait ma des nüm.
Sit em 1. Januar 2009 ghöre di früener selbschtändige Gmeinede Goumois un Les Pommerats au zu Saignelégier.
[ändere] Geographi
De Hauptort Saignelégier ligt ugfähr 22 km nordöschtlich vo La-Chaux-de-Fonds uf ere Höchi vo 978 Meter im nördliche Teil vo de Freibärge. S Gmeindsgebiet goht aber bis ins tüf iigschnittene Tal vom Doubs, wo z Goumois d Gränze zu Frankriich bildet.
D Flächi isch sit de Gmeindsfusion vo 2009 31.72 km² im Gägesatz zu de 11.7 km² vo vorher. De höchsti Punkt vom Gmeindsgebiet isch uf 1088 Meter uf de Höchi vom Chaumont.
[ändere] Kultur un Tourismus
Saignelégier isch es wichtigs Zentrum für de Tourismus in de Freibärge, wo aber no nöd z fescht entwicklet isch. Sit em 1985i hets im Ort es grosses Freizitzentrum mit eme Schwimmbad, Sporthallene, Konferenzrüüm, eme Iislaufschtadion un eme Hotel.
Bekannt isch Saignelégier, bsunders unter Rösseler, wägem Marché-Concours, wo jeds Johr am zweite Sunntig im Auguscht stattfindt.
