SBB RABDe 12/12

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Zwei Mirages im Zürcher Wiiland
Zwei Mirages im Zürcher Wiiland
Bedriib
Baujohr 1965–1967
Bedriibsnummere 1101 – 1120
Stückzahl 20
Umbau (R4) 1996–1999
Bedriibsnummere (UIC) RABDe 510 000
– RABDe 510 017
Stückzahl hüte 18
Iisatzgebiet S-Bahn Züri
Usrangierig unfallbedingt (2)
defekt (1)
Technischi Date
Fahrzügtyp elektrische Driibzug
Hersteller Schindler Waggon Brattele
FFA Alterhii
BBC Bade
SAAS Gämf
Achsefolg Bo'Bo'+Bo'Bo'+Bo'Bo'
Höchstgschwindigkeit 125 km/h
Leistig 2444 kW
bei 80 km/h
Stundezugkraft 110 kN
Afahrzugkraft 239 kN
Mäss und Gwicht
Lengi über Puffer 73'300 mm
Breiti  ? mm
Höchi  ? mm
Gwicht 170 t
Usstattig
Zugformation RBe-RADe-RBe
Sitzplätz 128
in dr erste Klass 56
in dr zweite Klass 72
Sustigs
Bsundrigi Merkmol alli Achsei wärde adriibe
Vorgänger BDe 4/4, Be 4/6,
De 4/4, RBe 540
Nochfolger RABDe 8/16, Re 450

D'r RABDe 12/12 isch ä driitäilige Vorort-Triebzug vu de Schwiizerische Bundesbahne. I d'r Mitti isch ä Erschtklasswagä mit 'me Stromabnähmer und 'me Gepäckabteil. D' SBB hend de Schindler Waggon in Prattele, de Flug- und Fahrzugwärch Alterhii, de Brown Boveri z' Badä und d'r Société Anonyme des Ateliers de Sécheron z Gämf d'r Zueschlag für diä Buukonschtukziuu ggii. Im Ganze 20 Äinhäite sind für d' Ysebahnliniä Züri-Mäilä-Rapperschwil vum 1965 bis zum 1967 buut wordä. Si sind nüd wiä susch bi de Personezüüg vu de SBB üeblich tannegrüen gsii, sondern dunkelrot. So händs's s' Erschiinigsbild vu ihrer Stammliniä prägt. Si sind mängmal au uf d'r Liniä Züri-Uschter-Rapperschwil, am linggä Züriseeufer oder zwüsche Rapperschwil und Linthel zum Iisatz chuu. Ussergwöhnlich isch gsi, ass alli 12 Achse au Aatriebsachse gsii sind. So isch ä bsunders schnälli Beschlüünigung möglich gsi. Dur das hend diä Züüg de Biiname „Mirage“ überchuu, will zur gliiche Ziit s' Jagdflugzüg „Dassault Mirage“ für d' Schwiizer Armee konschtruiert wordä-n-ischt.

Im 1996 händ di 18 nuch vorhandene Zugsäinhäite ä Hauptrevisiuu überchuu. Das bedüüted, ass si in ihri Beschtandttäil zerläit und überholt wordä sind. Dänn händ's nach em nüüä Nummäräschema d' Bezäichnig „RABDe 510“ mit de Wagänummärä 510 000-510 017 überchuu, doch das isch nur ä Fall für d' Buechhaltig. Vill meh kännt mer si als RABDe 12/12. Sä hend di nüü, im Personänahverchehr vu d'r SBB üeblichi Farbgebig überchuu, dunkelblau und wiis mit 're lüüchtrote Stirnfront. Hüt wärdet si nuch im Beriich vu d'r Zürcher S-Bahn iigsetzt.