Sür un Siess

Us der alemannische Wikipedia, der freie Dialäkt-Enzyklopedy

Sür un Siess isch e Fernseh-Sändung uf France 3 Alsace gsii, wu sitter 1995 alli Samschtig z Mittag no dr fimpfe uf Elsässisch vum Simone Morgenthaler moderiärt wore isch; dr Gaschtronom un Sternä-Koch Hubert Maetz het als kocht. Do isch d kulinarisch Dradition vum Elsass im Mittelpunkt gstande. Dr Stitzpunkt vu dr Sändung isch e Kuchi, e Kochstudio gsii. In däne 471 bishärige Sändunge sin als Lit üs em ganze Elsass vorgstellt wore un Ufnahme üs ihrem Läbensumfäld gmacht wore; eso sin aü anderi regionali Informatione wiä numme zum Koche un Bache iigflosse.

Sür un Siess isch - noch dr Lokalnochrichte - d beliäbtescht Sändung uf FR3 Alsace gsii.[1]

Anne 2008 no dr Summerpaus isch diä Sändung abgschafft wore. Do druf sin e Hüffe Lit wiätig wore oder sin drüürig gsii.

Gege dä Bschluss vu FR3 Alsace hets Brotescht vum Generalrat vum Unterrhiin (Conseil Général du Bas-Rhin), vum Generalrat vum Oberrhiin (Conseil Général du Haut-Rhin) un vum Elsässische Regionalrat (Conseil Régional d’Alsace) gää; si hän d Furtfiährung vu däre Sändung gforderet un ass mer d Sändunge firs Elsass un uf Elsässisch vermehrt anstatt verminderet.[2]

Im Internet hets e Petition, wu iber 3.300 Mänsche gege d Abschaffung vu däre Sändung broteschtiärt hän. Do drbii muess mer bedänke, ass d meischte eltere Zuelueger vu däre Sändung gar ke Internetaschluss un ke Megligkeit zum unterschriibe hän. Viil Unterschriiber hän Kommentar abgä, so dr Adrien Fernique vu Stroßburg:

„Ich mën, as ìsch e Schànd! Ìmmer wennjer Sandùnge ùff elsassisch, obwohl mr fer se doppelt bezàhle: d Telestiir ùn wàs de Regionàlràt bezàhlt. Fer emol àss mr e gueti Sandùng hàn, wie sogàr guet loeft, màche sie's ewag. Àls noch hitt muen mr ùnsri Sprooch verdèitiche! Gràd fer die Besserwìsser vù Pàris: mr welle se nìt loslon.“

Weblink[ändere | Quälltäxt bearbeite]

Quälle[ändere | Quälltäxt bearbeite]

  1. Noch eme Artikel in dr L'Alsace Archivlink (Memento vom 19. Mai 2011 im Internet Archive)
  2. D'Heimet Nr. 176. Jänner 2009 - mit em Text vu dr Generalrats-Resolutione