Rudolf Vallendor

Us der alemannische Wikipedia, der freie Dialäkt-Enzyklopedy

Dr Rudolf Vallendor (* 6. Juli 1918 z Bade-Bade; † 6. Novämber 2014 z Offeburg) isch e dytsche Dialäktdichter un Schriftsteller gsii.

Läbe[ändere | Quälltäxt bearbeite]

Dr Vallendor isch z Bade-Bade uf d Wält chuu un isch z Offeburg ufgwachse. Är isch dert uf d Knabeschuel un derno uf s Grimmelshausen-Gymnasium gange. Wel syni Eltere in finanziälli Schwirigkaite grote sin, het er aber wider ab em Gymnasium mieße. No dr Schuel het dr Vallendor e Lehr as Maschineschlosser bi dr Dytsche Rychsbahn gmacht, wun er mit sehr gut abgschlosse het. Wel er si gwaigeret ghaa het, in d Hitlerjugend yyzdrätte, het er dr Schuelbryys mit eme Stipendium an dr FH Charlsrue, wu s derfir aigetli gee hätt, nit iberchuu un het eso nit chenne go Ingenier studiere.

Im Chrieg isch er in änglischi Chriegsgfangeschaft grote, isch aber scho im Summer 1945 wider freichuu. Dr Valldendor het derno bis zue syre Pensionierig as Tächnische Inschpektor bi dr Bahn gschafft. 26 Johr lang isch er Gschäftsfierer bi dr Yysebahnergwerkschaft gsii, het au z Offeburg d Gwerkschaft mitgrindet.

Dr Vallendor isch Grindigsmitglid vu dr Badisch-Christlich-Soziale Volksbartei gsii un in dr CDU speter Chraisvorsitzer vu dr Sozialuusschiss. Zämme mit sym Brueder Rudolf het er noch em Chrieg d Kolpingfamilie Offeburg mitgrindet. Bim Sozialgricht z Fryburg isch er Richter gsii un au Mitglid vum Richteruusschuss. E Zytlang isch er Dozänt an dr Katholische Akademy vu dr Erzdiözese Fryburg gsii. Dr Vallendor isch au langi Johr Mitglid bi dr Althistorische Narrezumft gsii un het mit syre Frau im Chilchekoor gsunge.

Anne 1941 het er d Martha Böhm ghyrote, wu anne 2006 gstorben isch. Mit ihre het er e Suhn, Roland, un e Dochter, Roswitha, ghaa. Bis zue sym Dod isch er im Huus vu syne Eltere z Offeburg gwohnt. Anne 2014 isch dr Rudolf Vallendor im Alter vu 96 Johr gstorbe.

Schaffen im Dialäkt[ändere | Quälltäxt bearbeite]

Wun er anne 1955 d Ättemer Mundartdichter Fritz Broßmer chänneglehrt het, het er aagfange si fir s Alemannisch z inträssiere.

Är het im Lauf vu sym Läbe insgsamt 39 Biecher gschribe. Fir s Offeburger Dagblatt het er fascht fast 1500 Glosse gschribe.

Anne 1977 het er d Offeburger Regionalgruppe vu dr Muettersproch-Gsellschaft mitgrindet.

Wärch[ändere | Quälltäxt bearbeite]

  • Das Leben geht weiter. Gedanken zum Jahreswechsel 2006/2007. Offenburg 2006
  • 's Lache duet guet. Ä paar Schpässli in niederalemannischer Mundart. Mer därf sie riiwig vortrage. Offenburg 2006
  • Berühmte Badener. Reiff, Schwarzwaldverl., Offenburg 2002
  • Stefan Lederle. Reiff, Schwarzwaldverl., Offenburg 2000
  • Wundersame Heimat Ortenau: Geschichten und Gedichte. Reiff, Offenburg 1997
  • Warum? Geschichten, Erzählungen und Gedichte in Hochdeutsch un in niederalemannischer Mundart. Offenburg 1996
  • Pack mer's widder: ein froher Gruß zur Jahreswende 2007/2008. Offenburg 2007
  • Herbstlaub: Gedichte in Hochdeutsch und in Niederalemannischer Mundart. Schwarzwaldverl., Offenburg 2008
  • Krankenhausballade. Patient des Kreiskrankenhauses Offenburg, Augenabteilung, Station 3c, vom 1. Sept. - 4. Sept. 1993. Offenburg 1996
  • Der Zahnarzt. Offenburg 1996
  • Oh Gott, oh Gott de alde Trott. Erzählungen, Geschichten, Gedichte in niederalemannischer Mundart. Offenburg 1996
  • Sähner's schneit. Geschichten und Gedichte zur Winterszeit. Reiff, Schwarzwaldverl., Offenburg 1996
  • 's Planke git's 175 Johr. Schauspiel anläßlich der 175 Jahr-Feier der Firma Karl Plank, Textilreinigung in Offenburg. Offenburg 1995
  • Nur so. Gedanken in Hochdeutsch und in niederalemannischer Mundart. Offenburg 1995
  • Betrachtung über die Würde des Menschen und die Medien. Offenburg 1995
  • Kamingesellschaft. Erzählungen vom Jahrgang 1917. Eichner, Offenburg 1995
  • Schneeflöckchen. Kamingeschichten zur Weihnachtszeit. Offenburg 1994
  • Für Dich. Auserlesenes für Mußestunden. Gedichte. Offenburg 1994
  • Für ä ruhigs Stindli. Ä wing Poesie. Gedichte in Hochdeutsch und in niederalemannischer Mundart. Offenburg 1994
  • Hogg ä wing zu mer! Geschichten und Gedichte in Hochdeutsch und in niederalemannischer Mundart. Offenburg 1994
  • Un de Frihling kunnt immer widder! Heiteres und Besinnliches in un zum Frühling in hochdeutsch und in niederalemannischer Mundart. Offenburg 1993
  • Herbschdzitlosi. Gedichte und Geschichten zum Herbst in hochdeutsch & niederalemannischer Mundart. Offenburg 1993
  • Bosheiten. Aphorismen. 2. Aufl. Offenburg 1993
  • Iiszäpfli. Gedichte und Geschichten zum Winter und zur Weihnacht in Hochdeutsch & niederalemannischer Mundart. 2. Aufl. Offenburg 1993
  • Summervögeli. Ebbis vom Summer in Niederalemannisch. Offenburg 1993
  • Schnitz. Luschdigi Vortragsstiggli in niederalemannischer Mundart. Offenburg 1993
  • De muesch nit, de därfsch! Luschdigi Gschichtli in niederalemannischer Mundart zum Schmunzeln und Vorlesen . Offenburg 1993
  • Adventsgedanken. Offenburg 1992
  • Staufenberg und seine Geschichte. Eine Kurzbetrachtung. Offenburg 1992
  • Du hast einen Namen. Gedichte. Offenburg 1992
  • Hab' Muse. Gedichte in Hochdeutsch und in niederalemannischer Mundart. Offenburg 1992
  • Straulaime. Geschichten und Gedichte in Hochdeutsch und in niederalemannischer Mundart. Vallendor, Rudolf. - Offenburg: Reiff, 1991
  • Sei zuversichtlich! Verse eines Operierten. Anstatt Tagebuch. Offenburg 1990
  • Baden und seine Großherzöge: eine Betrachtung. Offenburg 1989
  • Goldener Tag. Verse in Hochdeutsch und in niederalemannischer Mundart. Reiff, Offenburg 1987
  • Alt-Offenburger Geschichten. 2 Bänd Reiff, Offenburg 1984/1985
  • De Ähni un sinni Enkel. Gschichtli un Gedichtli in niederalemann. Mundart mit hochdt. Anh. Reiff, Offenburg 1982
  • Brägeli. Gschichtli un Gedichtli in niederalemann. Mundart. Reiff, Offenburg 1981
  • Erbsebrei. Gschichtli un Gedichtli in niederalemann. Mundart. Reiff, Offenburg 1980
  • Bohnesupp. Gschichtli un Gedichtli in niederalemann. Mundart. Reiff, Offenburg 1979

Uuszaichnige[ändere | Quälltäxt bearbeite]

  • Bischof-Ketteler-Medaille vu dr Katholische Arbeitnehmerbewegung
  • Landesehrenolde vum Land Baden-Württemberg
  • Silberehrenolde vu dr Althistorische Narrezunft Offeburg

Weblink[ändere | Quälltäxt bearbeite]