Rots Schloss vo Züri

Us der alemannische Wikipedia, der freie Dialäkt-Enzyklopedy
S Rote Schloss um 1893
Innehof

S Rot Schloss in Züri isch es Wohn- und Gschäftshuus mit ere schlossähnliche Architektur.

S «Schloss» isch vo 1891 bis 1893 vom Architekt Heinrich Ernst im Uftrag vo de Zürcher Immobiliegsellschaft bout worde. S Gebäude staht am General-Guisan-Quai, am lingge Ufer vom Zürisee zwüsche de Beethovestrass und Stockerstrass. Grad näbedra staht s Zürcher Kongrässhuus. S Gebiet, wo s Schloss druf staht, isch nach de Plän vom Stadtingenieur Arnold Bürkli ufgschüttet und als Quai-Aalag härgrichtet worde.

1943 hät de Zürcher Nationalrat David Farbstein s Schloss erworbe und s 1949 wider verchauft. 1950 häts d Swiss Life überno und isch bis hüt d Eigetümeri. Sit 1976 staht s «Schloss» under kantonalem Dänkmalschutz.

Weblink[ändere | Quälltäxt bearbeite]

 Commons: Rots Schloss vo Züri – Sammlig vo Multimediadateie

Koordinate: 47° 21′ 54″ N, 8° 32′ 14″ O; CH1903: 682975 / 246587

Dä Artikel basiert uff ere fräie Übersetzig vu dere Version vum Artikel „Rotes_Schloss_Zürich“ vu de dütsche Wikipedia. E Liste vu de Autore un Versione isch do z finde.