Rosmerta
D Rosmerta isch e Göttin vo de Kelte, wo im östliche Gallie vorchunnt, bsundrigs bi de Lingone und Treverer.
Vereerig[ändere | Quälltäxt bearbeite]
D Rosmerta werd zäme mitem gallische »Merkur« verert. Dargstellt werd si mitere Opferschale und emene Füllhorn, mengisch trait si au d Zaiche vom Merkur, de Caduceus oder de Geldbüütel. D Ikonographi zaigt dütli, as d Rosmerta d Göttin vom Riichtum isch.
E gallischi Inschrift ufere Schüssle luutet: E... IEVRI RIGANI ROSMERTIAC »E... het gstiftet a de Rigana und Rosmerta«[1].
Atesmerta und Atesmerius[ändere | Quälltäxt bearbeite]
De Name Rosmerta isch Gallisch und bidütet »Grossi Schützeri«. En Inschrift us Le Corgebin nennt d Göttin Atesmerta »Starchi Schützeri«[2] und en Inschrif us Meaux chennt de Gott Atesmerius[3]. Well en Inschrift us Poitiers em MECVRIO ADSMERIO[4] gwidmet isch, cha agnoo werde, as d Atesmerta und d Rosmerta identisch sind.
Cantismerta[ändere | Quälltäxt bearbeite]
En Inschrift us Lens im Wallis isch a de CANTISMERTA gwidmet[5], doch cha nünt öber die Göttin gsait werde.
Harry Potter[ändere | Quälltäxt bearbeite]
Bim Harry Potter chunnt e Madame Rosmerta vor.
Quelle[ändere | Quälltäxt bearbeite]
- ↑ M. Lejeune, R. Marichal: Textes gaulois et gallo-romains en cursive latine i Études celtiques XV (1977)
- ↑ AE 1925, 98
- ↑ CIL XIII, 3023
- ↑ CIL XIII, 1125
- ↑ CIL XII, 131
Link[ändere | Quälltäxt bearbeite]
CIL XIII, 11696 E Bild mit Inschrift vom Mercurius und de Rosmerta.
Büecher[ändere | Quälltäxt bearbeite]
- Bernhard Maier: Lexikon der keltischen Religion und Kultur. Kröner, Stuttgart 1994. ISBN 3-520-46601-5
- Jan de Vries: Keltische Religion. Bern 2006, ISBN 3-905581-20-5