De Gasparis (Krater)
| De Gasparis | |
|---|---|
| Kratereigeschafte | |
| Koordinate | 25.9° S 50.7° W |
| Durmesser | 30 km |
| Diefi | keini |
| Co-Längi | 51° bi Sunneufgang |
| Nammensgäber | Annibale de Gasparis |
| Dialäkt: Markgräflerisch (Ebringe) |
De Gasparis isch e lunare Ischlagskrater wo im südwestliche Deil vu dr Movordersite lit. Er lit südwestlich vum Cavendish-Krater un südlich vum Mercenius-Krater un het öppe 30 km Durmesser.
Dr Rand vu de Gasparis isch abtrage un erodiert, un s'Inner isch vu basaltischer Lava yberflutet worre. Dr yberlebend Karterring erreicht e grössti Höchi vu 800m iber d'Kraterebeni.
Rimae de Gasparis[ändere | Quälltäxt bearbeite]
Dr Krater isch erwähnenswert wäge dr Rillestrukture, wo iber si Bode un d'Umgäbig chrüz un quer verlaufe. Sälli Formation wird Rimae de Gasparis gnennt un erstreckt sich iber e Gebit vu 130 km Durmesser. Mer nimmt a, dass sich d'Rille dur tektonischi Verwerfige dief under dr Mooberflächi bildet hän. Wil si au dr de Gasparis-Krater durschnide, schine si nooch dr Bildig vum Krater enstande z'si.
Satellitekrater[ändere | Quälltäxt bearbeite]
Nooch dr Konvention werre die Krater uf Mocharte dur Setzig vum Buechstabe uf sälli Site vu dr Kratermiddi gsetzt, wo im de Gasparis-Krater am nächste isch.
| de Gasparis | Breiti | Längi | Durmesser |
|---|---|---|---|
| A | 26.7° S | 51.3° W | 37 km |
| B | 27.0° S | 52.5° W | 12 km |
| C | 26.3° S | 51.7° W | 6 km |
| D | 25.7° S | 50.1° W | 4 km |
| E | 26.4° S | 49.4° W | 7 km |
| F | 26.3° S | 49.3° W | 8 km |
| G | 27.0° S | 49.3° W | 6 km |
Quelle[ändere | Quälltäxt bearbeite]
- Luege uf dr englischsprochige Tabelle mit Quelleagabe fer die allgmein Uflistig vu Literatur und Internetsite, us dene d'Date fer der Artikel ybernumme worre sin.
Weblink[ändere | Quälltäxt bearbeite]
- Tectonic ‘wrinkles’ in Crater De Gasparis. In: ESA. Abgrüeft am 31. März.
Dr Artikel isch e freii Ybersetzig vu De Gasparis (crater) us dr englische Wikipedia.