Rich Franklin

Us der alemannische Wikipedia, der freie Dialäkt-Enzyklopedy
Rich Jay Franklin
Date
Kampfname Ace
Größi 1,85 m
Gwicht 93 kg
Nationalität Vereinigte StaatenVereinigte Staaten Vereinigti Staate
Uf Welt cho 5. Oktobr 1974
Wohnort Cincinnati, Ohio
Geburtsort Cincinnati, Ohio
Kampfstil Freestyle Fighting, Kickboxing, Brazilian Jiu-Jitsu, Muay Thai
MMA-Statistik
Sig 28
Niderlage 5
Uuentschide 1

Rich Franklin (* 5. Oktober 1974 in Cincinnati; volle Name Rich Jay Franklin)[1] isch e US-amerikanische Mixed-Martial-Arts-Kämpfer und ehemolige UFC Middleweight Champion.

Karriere[ändere | Quälltäxt bearbeite]

Bevor de Franklin professionelle MMA-Kämpfr worde isch, het er Mathematik unterrichtet und sich in Karate und Brazilian Jiu-Jitsu güebt.[2][3] Si MMA-Debüt het er am 24. März 2000 anere Vranstaltig vom Organisator Extreme Challenge. Er het dört per technischem KO gwunne. Drnoch het er Kämpf an de Events vo World Extreme Fighting, International Fighting Championship, Fighting Network Rings, World Fighting Alliance und TKO Major League MMA beschtritte, bevor er am 25. April 2003 in Miami bi sim Ultimate Fighting Championship-Debüt Evan Tanner per technischem Knockout besiegt het. Au an sinem zweite UFC-Uuftritt, am UFC 44 vum 26. Septämbr 2003, het er könne für sich entscheide. Bim druf folgende Kampf am Inoki Bom-Ba-Ye Festival 2003 in Kōbe, het er gege de Lyoto Machida sini erschti Niederlag hinnäh. Nach zwei Kämpf in kleinere Ligene folgt bim UFC 50 am 22. Oktobr 2004 e Sieg gege de Jorge Rivera. Nach eme letschte Uusflug in e kleineri Liga bliebt dr Franklin künftig bim UFC. Als Dailnähmr an dr erschte Staffel von The Ultimate Fighter het er am 9. April 2005 de Ken Shamrock besiegt. Bim Event UFC 53 am 4. Juni 2005 het er de Evan Tanner erneut besiegt und isch UFC Middleweight Champion worde.[4][5] Am UFC 56 vum 19. Novämbr 2005 het er de Titel gege de Nate Quarry könne verteidige und am UFC 58 am 4. März 2006 auch gege de David Loiseau,[5][4] wobei er sich debi d'Hand broche het.[6]

Bi sim nächschte Event, UFC 64: Unstoppable am 14. Oktobr 2006 in Las Vegas, isch dr Rich Franklin gegen de Anderson Silva KO gange und het si Titel verlore. Nach zwei Sieg über de Jason MacDonald und Yushin Okami isch er erneut im Titelkampf gegen Silva aaträte und isch ihm abermals unterläge.[5][4] Drnoch sin Siege über de Travis Lutter und Matt Hamill gfolgt, bevor er am UFC 93: Franklin vs. Henderson, am 17. Januar 2007 in Dublin, gegen de Dan Henderson het müesse aaträte und besiegt worde isch. An dr Vraanstaltig UFC 99: The Comeback vum 13. Juni 2009 in dr Kölner Lanxess Arena het er gege de Wanderlei Silva gwunne. Am 19. Septämbr 2009 unterliegt er em Vitor Belfort in dr erschten Runde. An dr UFC 115 am 12. Juni 2010 het er de Chuck Liddell besiegt durch KO in dr erschte Rundi, het sich im Kampf aber dr Arm broche. Dodurch betreit sini Wettkampfbilanz 28 Sieg und fümf Niederlage sowie ei Kampf ohni Wertung.[4]

Filmografie[ändere | Quälltäxt bearbeite]

Im Science-Fiction-Film Cyborg Soldier us em Johr 2008 spielt de Franklin e Hauptrolle.[7]

Einzelnochwiis[ändere | Quälltäxt bearbeite]

  1. fightline.com Rich Franklin. Archiviert vom Original am 4. Januar 2010. Abgrüeft am 22. März 2010.
  2. Rich "The ACE" Franklin. Archiviert vom Original am 24. März 2010. Abgrüeft am 22. März 2010.
  3. The Mental Game: Rich Franklin Talks About the Unseen Side of MMA. Archiviert vom Original am 15. Juni 2009. Abgrüeft am 22. März 2010.
  4. 4,0 4,1 4,2 4,3 SHERDOG FIGHTFINDER Rich "Ace" Franklin. Archiviert vom Original am 20. April 2010. Abgrüeft am 22. März 2010.
  5. 5,0 5,1 5,2 UFC Title Holder History. Archiviert vom Original am 26. Februar 2009. Abgrüeft am 22. März 2010.
  6. Franklin Dominates Loiseau; St. Pierre Secures Title Shot. Abgrüeft am 22. März 2010.
  7. Synopsis for Cyborg Soldier (2008). Abgrüeft am 22. März 2010.

Weblinks[ändere | Quälltäxt bearbeite]