Riichsvogt

Us der alemannische Wikipedia, der freie Dialäkt-Enzyklopedy

D Riichsvögt si kaiserligi Beamti im Häilige Römische Riich gsi, wo as Verwalter und Richter über e köönigliche Bsitz oder Abtei iigsetzt gsi si. Si häi vilmol in Riichstedt residiert. Wo die mee Freihäite überchoo hai, isch s Amt in Stadtvogtei und Landvogtei drennt worde. Vili Riichsstedt häi denn im Spootmiddelalter d Stadtvogtei ufkauft und sich eso ganz unabhängig gmacht. D Riichslandvogteie häi no di noo iiri Wichdikäit iibüesst, wil die königlige Bsitz zämmegschmulze si und Territorialfürste wie Groofe und Herzöög d Herrschaft über die ländlige Gebiet übernoo häi.

D Riichslandvogtei im Elsass, wo zää Riichstedt umfasst het, isch 1648 im Westfäälische Friide an Frankriich gfalle, aber d Stedt häi immer no zum Riich ghöört, bis si bald druf äini noch dr andere vo Frankriich anektiert worde si.

E baar chliini Riichslandvogteie häi bis zum Ändi vom Häilige Römische Riich im Joor 1806 existiert, vor allem im Schwööbische Riichskreis.

Lueg au[ändere | Quälltäxt bearbeite]