Regionalverbänd z Baade-Wiirdebäärg

Dr Regionalverband im Bùndesland Baade-Wiirdebäärg isch e Kerperschaft vùm effentlige Rächt. Ùfgaab vùm Regionalverband isch d Ùmsezig vù dr Regionalblaanig noch em Landesblaanigsgsez. Z Baade-Wiirdebäärg sin zem 1. Jäner 1973 zwelf sonigi Regionalverbänd yygriichded woore dùr s "Zweit Gsetz zur Verwaltigsreform (Regionalverbandsgsetz) vum 26. Juli 1971 (GBl. S. 336)". D Regionalverbänd hän as "Organ" e Verbandsversamlig bzw. e Regionalversammlig ùn e Verbandsvorsizende bzw. eRegionaldiräkter, wù vù dr Verbandsversamlig gweeld wird.

Bsùnderhaide

Dr Regionalverband Donau-Iller good iber d Landesgränze vù Baade-Wiirdebäärg uuse, d. h. är isch au fir Gebied z Bayern zueschdändig. Am 1. Jäner 2006 isch dr Regionalverband Ryy-Neckar-Oodewald ùfgleesd woore ùn syyni Ùfgaabe sin ùf dr Regionalverband Ryy-Neckar iberdraid woore, wù dùr e Schdaadsverdraag nèi grinded wooren isch ùn au iber d Ländergränze uuse good.

Dr 1973 grinded Regionalverband Mittlerer Neckar (ab 1992 Regionalverband Stuttgart) isch 1994 in dr Verband Region Schduegerd iberfierd woore. Doodermid hed dr Regionalverband mee Zueschdändigkaide griegd ùn as ainzige baade-wiirdebäärgische Verband e Regionalversamlig, wù diräkt vùm Volg gweeld wird. Die Regionalversamlig weeld dr Verbandsvorsitzende ùn dr haubdamdlig Regionaldiräkter

Organisation

Verbandsversamlig

D Verbandsversamlig isch s Haubdorgan vùn eme Regionalverband bzw. ere Region z Baade-Wiirdebäärg. D Midgliider vù dr Verbandsversamlig wääre vù dr ainzelne Chraisdääg bzw. vù dr Gmaireed ùn Ooberbùùrgermaischder vù dr Schdadchrais gweeld. D Verbandsversamlig weeld us dr Verdräder, wù din size, ne Verbandsvorsitzende.

Verbandsvorsizende

Dr Verbandsvorsizende isch dr èèreamdlig deedig Verdräder vùn eme Regionalverband bzw. ere Region z Baade-Wiirdebäärg.

Dr Verbandsvorsizende isch Vorsizende vù dr Verbandsversamlig, är verdrid dr Regionalverband, laided d Verbandsverwaldig ùn erledigd d Gschäfd vù dr laufende Verwaldig. Är beraided d Sizige vù dr Verbandsversamlig ùn vù dr Uusschis vùn ere voor ùn sezd d Bschlis vùn ene ùm. Bi syyne Ùfgaabe hilfd em e Verbandsdiräkter.

Verbandsdiräkter

Fir d Erledigung vù dr Verwaldigsdeedigkaide gid s am Siz vùm Regionalverband e Gschäfdsschdel vùm Verband mid eme Verbandsdiräkter, wù au vù dr Verbandsversamlig gweeld wird ùn e Beamde ùf Zyd isch. Dr Verbandsdiräkter isch dr schdändig Verdräder vùm Verbandsvorsitzende ùn isch dr haubdamdlig Verwaldigsbeamde vù eme Regionalverband. Är wird vù dr Verbandsversamlig ùf achd Joor gweeld ùn cha au Verbandsdiräkter vù zwee Regionalverbänd syy.

Gschäfdsschdele

D Gschäfdsschdel vùm Verband oder Verbandsverwaldig isch d "Verwaldigsbeherde" vùn eme Regionalverband bzw. ere Region. Do erledigd dr Verbandsdiräkter mid syyne Beamde ùn Aagschdelde di laufende Aagläägehaide vùm Regionalverband bzw. vù dr Region. D Siz vù dr ainzelne Regionalverbänd sin im "Zweite Gsetz zur Verwaltigsreform (Regionalverbandsgsetz) vùm 26. Juli 1971 (GBl. S. 336)" feschdglaid. Insgsamd gid s z Baade-Wiirdebäärg zwelf sonigi "Dienschdschdele".

Iiberblig iber d Regionalverbänd

Karte der Regionen in Baden-Württemberg

Di ainzelne Regionalverbänd bzw. Regionen im Iiberblig:

• Verband Region Schduegerd (friejer Regionalverband Mittlerer Neckar) mid Sitz z Schduegerd
• Regionalverband Haalbrunn-Frangge (friejer Regionalverband Frangge) mid Sitz z Haalbrunn
• Regionalverband Oschdwiirderbäärg mid Sitz z Schwäbisch Gmünd
• Regionalverband Midlere Ooberryy mid Sitz z Chaarlsruei
• Verband Region Ryy-Neckar (bis 2005 Regionalverband Ryy-Neckar-Oodewald bzw. friejer Regionalverband Ùndere Neckar) mid Sitz z Manne; zem Verband Region Ryy-Neckar ghèère syder emt 1. Jäner 2006 au ne Landchrais z Hesse ùn anderi Landchrais ùn chraisfrèji Schded z Ryyland-Pfalz
• Regionalverband Noordschwaarzwald mid Sitz z Pforze
• Regionalverband Siidlige Ooberryy mid Sitz z Fryybeg
• Regionalverband Schwaarzwald-Baar-Haibäärg mid Sitz z Villinge-Schwenninge
• Regionalverband Hoochryy-Boodesee mid Sitz z Waldshuet-Düenge
• Regionalverband Neckar-Alb mid Sitz z Messenge
• Regionalverband Boodesee-Ooberschwoobe mid Sitz z Raveschburg
• Regionalverband Donau-Iller mid Sitz z Ulm; zem Regionalverband Donau-Iller ghère syd dr Grindig au drèi Landchrais ùn e chraisfrèiji Schdad z Bayern

Weblink

• Landesblaanigsgsetz vù 1972
• Landesblaanigsgsetz vù 2003

Dä Artikel basiert uff ere fräie Übersetzig vum Artikel „Regionalverbände_in_Baden-Württemberg“ vu de dütsche Wikipedia. E Liste vu de Autore un Versione isch do z finde.