Regierungsbezirk

Regierigsbezirk

Vertikali Verwaltigsschtruktur vo Düütschland

Dialäkt: Züridütsch (See)

Z Dütschland isch e Regierigsbezirk e Bezirk, wo vom ene Regierigspräsidium gleitet wird und für Uufgabe us verschiidene Ressorts zueständig isch. In mänge Bundesländer wird e sonigi Landesmittelbehörde als Regierig oder Bezirksregierig bezeichnet. D Regierigspräsidie schtönd als Mittelinschtanz (Landesmittelbehörde) zwüsched dr Minischterialebeni und de Kommune (bzw. undere Landesbehörde). In chliinere Bundesländer exischtiert die Verwaltigsebeni nöd.

In fast allne Bundesländer wird diskutiert, d Regierigspräsidie abzschaffe und d Uufgabe uf d Minischterial- bzw. di kommunali Ebeni z verlagere. Nur in Bade-Württeberg sind dur d Verwaltigsreform vo 2005 d Regierigspräsidie geschtärcht, indem ihne viili Uufgabe bis dethii eigeschtändige Landesbehörde übertreit worde sind.

Gschicht

Scho 1815/16 hät Preusse siis Schtaatsgebiet i Provinze und Regierigsbezirk gliederet. Während dr Ziit vom Düütsche Riich häts ebefalls Regierigsbezirk als Mittelinschtanz vo dr schtaatliche Verwaltig geeh. Nach 1945 sind si i de grössere Flächeschtaate wieder als schtaatlichi Mittelinschtanz iigrichtet. D Verwaltigsbehörde für d Regierigsbezirk, wo sich d Grenze im Lauf vo ihrer Gschicht mehrmals geänderet händ, sind entweder "Regierigspräsidium", "Regierig", "Dr Regierigspräsident" oder "Bezirksregierig" gnännt worde. Leiter vo dene Behörde isch im allgemeine dr Regierigspräsident. In andere Flächeschtaate häts ähnlichi Verwaltigseinheite mit underschiedliche Bezeichnige, z. B. "Chreishauptmannschaft" (in Sachse) oder "Chreis" (nöd z verwechsle mit de hütige Chreise).

Regierigsbezirk

In dene düütsche Länder gits Regierigsbezirk:

• Bade-Würteberg - 4 Regierigsbezirk: Friburg, Charlsrueh, Stuegert, Tübinge
• Bayern - Bezirk vo de 7 Regierige: Oberbayern, Niederbayern, Oberfranke, Mittelfranke, Underfranke, Oberpfalz, Schwabe
  (Nöd z verwechsle mit de 7 deckigsgliiche Bezirk mit gliiche Näme)
• Hesse - 3 Regierigsbezirk: Darmschtadt, Giesse, Kassel
• Nordrhy-Weschtfaale - 5 Bezirksregierige: Arnsberg, Detmold, Düsseldorf, Köln, Münschter
• Sachse - 3 Regierigsbezirk: Chemnitz, Dresde, Leipzig

I dene Länder sind d Regierigsbezirk abgschafft worde:

• Rhyland-Pfalz (1999)
• Sachse-Anhalt (2003)
• Nidersaxe (2004)

Ehemaligi Regierigsbezirk

• Uufglöst vor 1945
  • Berlin (1822)
  • Kleve (1822)
  • Reichenbach (1820)
  • Stralsund (1932)

• Uufglöst nach Gebietverluschte im Oschte
  • Allenstein (Ostpreußen, 1945)
  • Bialystok (Ostpreußen, 1945)
  • Breslau (Schlesien, 1945)
  • Bromberg (Danzig-Westpreußen, 1945)
  • Danzig (Danzig-Westpreußen, 1945)
  • Gumbinnen (Ostpreußen, 1945)
  • Hohensalza (Wartheland, 1945)
  • Kattowitz (Schlesien, 1945)
  • Köslin (Pommern, 1945)
  • Königsberg (Ostpreußen, 1945)
  • Liegnitz (Schlesien, 1945)
  • Litzmannstadt (Wartheland, 1945)
  • Marienwerder (Danzig-Westpreußen, 1945)
  • Oppeln (Schlesien, 1945)
  • Posen (Wartheland, 1945)
  • Schneidemühl (Posen-Westpreußen, 1945)
  • Stettin (Pommern, 1945)
  • Zichenau (Ostpreußen, 1945)

• Uufglöst wege dr neue Nachchriegs-Verwaltigsschtruktur i de Weschtliche Besatzigszone
  • Minden (1947)
  • Sigmaringen (1946)

• Uufglöst wege dr neue Nachchriegs-Verwaltigsschtruktur i dr Oscht-Zone / DDR
  • Erfurt (1945)
  • Frankfurt (Oder) (1952)
  • Halle (1952, Neugründung nach Wiedervereinigung)
  • Magdeburg (1952, Neugründung nach Wiedervereinigung)
  • Merseburg (1945)
  • Potsdam (1952)

• Uufglöst bzw. neu zuegschnitte und umbenennt während de Gebietsreforme vo de 1960er und 1970er Jahr
  • Aachen (NRW, 1972)
  • Aurich (Niedersachse, 1978)
  • Hildesheim (Niedersachse, 1978)
  • Montabaur (Rhiiland-Pfalz, 1968)
  • Nordbaden (Bade-Württeberg, 1973)
  • Nordwürttemberg (Baden-Württemberg, 1973)
  • Oldenburg (Niedersachse, 1978)
  • Osnabrück (Niedersachse, 1978)
  • Rheinhessen (Rhiiland-Pfalz, 1968)
  • Pfalz (Rhiiland-Pfalz, 1968)
  • Stade (Niedersachse, 1978)
  • Südbaden (Bade-Württeberg, 1973)
  • Südwürttemberg-Hohenzollern (Bade-Württeberg, 1973)
  • Wiesbaden (Hesse, 1968)

• Uufglöst nach Verzicht uf Regierigsbezirk
  • Braunschweig (Niedersachse, 2004)
  • Dessau (Sachse-Anhalt, 2003)
  • Halle (Sachse-Anhalt, 2003)
  • Hannover (Niedersachse, 2004)
  • Koblenz (Rhiiland-Pfalz, 1999)
  • Lüneburg (Niedersachse, 2004)
  • Magdeburg (Sachse-Anhalt, 2003)
  • Rheinhessen-Pfalz (Rhiiland-Pfalz, 1999)
  • Trier (Rhiiland-Pfalz, 1999)
  • Weser-Ems (Niedersachse, 2004)

Dä Artikel basiert uff ere fräie Übbersetzig vum Artikel „Regierungsbezirk“ vu de dütsche Wikipedia. E Liste vu de Autore un Versione isch do z finde.