reformiert.

Us der alemannische Wikipedia, der freie Dialäkt-Enzyklopedy
s Logo reformiert.

S reformiert. isch e reformiirti Monatszitig in de Schwiiz. Entschtande isch di Zitig us ere Fusion vom Bärner Saemann und drü kantonale Chilezitschrifte, wo alli Chilebot (offiziell: Kirchenbote) gheisse hei. Es sind d Chilezitschrifte vo de Kantonalchilene vom Aargau, vom Bündnerland und vo Züri gsi.

Di Zitig isch zum erschte Mol am 30. Mai 2008 erschine und wird in alli Hushalt vo de beteiligte Kantonalchilene verteilt, wo zmindescht ein Reformiirte läbt. D Uflag isch bi öppe 700'000 Exemplar. Zu eme gmeinsame Mantelteil chunnt noch en regionaler Teil vo de einzelne Kantonalchilene.

Weblink[ändere | Quälltäxt bearbeite]