Ratko Mladić
Ratko Mladić [ˈmlaːditɕ] (Serbisch Ратко Младић, * 12. Merz 1943 oder 12. Merz 1942[1] z Božanovići, hüte Bosnie und Herzegowina) isch en ehemolige bosnisch-serbische General, wo vo 1992 bis 1996 Oberbefählshaber vo dr Armee vo dr bosnische Serberepublik (Republika Srpska), wo international nit anerkennt worden isch, gsi isch. As sonige wärde ihm e Hufe Chriegsverbräche und Verbräche gege d Menschlikeit während em Bosniechrieg zur Last gleit, drunder im Zsämmehang mit dr knapp vierjöhrige Belagerig vo Sarajevo und em Massaker vo Srebrenica im Juli 1995, wo bis zu 8.000 bosnischi Manne und Jugendligi ermordet worde si. Gegen e Mladić git s sit 1995 en Aachlag vom Internationale Stroofgrichtshof für s ehemolige Jugoslawie, won er zsämme mit em Radovan Karadžić am blante Völkermord an de bosnische Muslime beschuldigt wird. Er het sich fufzäh Johr lang vor de Behörde chönne verstecke, isch denn aber am 26. Mai 2011 z Serbie festgnoh [2] und am 3. Juni 2011 vor Gricht gstellt worde.[3]
Fuessnote [ändere]
- ↑ Der Herr General weiß von nichts. In: stern.de. Abgrüeft am 2011-06-06. (über underschiidligi Aagobe zum Geburtsdatum)
- ↑ Spiegel Online: Serbiens Präsident bestätigt Festnahme von Mladic, 26. Mai 2011.
- ↑ faz.de: http://www.faz.net/artikel/S31325/ratko-mladic-vor-dem-un-tribunal-habe-keine-muslime-umgebracht-30430486.html Ratko Mladic vor dem UN-Tribunal: „Habe keine Muslime umgebracht“], 3. Juni 2011, abgüeft am 03. Juli 2011.
| Persoonedaate | |
|---|---|
| NAME: | Mladić, Ratko |
| ALTERNATIVNAMEN: | Младић, Ратко (serbisch-kyrillisch) |
| KURZBESCHREIBUNG: | bosnischer Militär, Oberbefehlshaber der bosnisch-serbischen Truppen |
| GEBURTSDATUM: | 12. März 1943 |
| GEBURTSORT: | Božanovići, Bosnien und Herzegowina |
| STERBEDATUM: | |
| STERBEORT: | |
