Rama

Us der alemannische Wikipedia, der freie Dialäkt-Enzyklopedy

De Rama (Sanskrit: राम, Rāma m.) isch de sibeti Avatar vom Vishnu und di biliebtist Held im Hinduismus.

s Lebe[ändere | Quälltäxt bearbeite]

De Rama isch de Soo vom König Dasharatha vo Ayodhya us de Sunedynastii. Dör e List vo sinere Stiifmuetter muen er is Exiil und lebt mit sinnere Frau Sita und sim Halbbrüeder Lakshmana im Waald. De Dämoon Ravana raubt d Sita und entfüert si uf d Insle Lanka, wo de Ravana König isch. De Rama füert e Chrieg gege de Ravana, wobii er vom Aff Hanuman tüchtig understützt werd. Er bisigt de Ravana und d Sita werd bifrait. Diham aber bischuldigt er si, as si em untroi wore sai. Si cha dör e Füürproob eri Uuschuld biwiise. D Gschicht vom Rama werd im Heldeepos Ramayana gschilderet. Denebet gits ono anderi Öberlifrige.

Vereerig[ändere | Quälltäxt bearbeite]

De Rama werd sitem 11. Joorhundert kultisch vereert. Abbildet werd er maist zäme mit de Sita und em Lakshmana und em Hanuman, wo vorem Rama chnüület und en abete tuet. Dargstellt werd de Rama as muskuööse Held mit emene Pfiilboge. As Avatar vom Vishnu isch er blauhüütig. De Rama werd wie de Krishna im Mahamantra aagrueffe.