Rüeblitorte

Rüeblitorte

Rüeblitorte (allerdings ohni Zuckerguss und Marzipan-Rüebli)

Rüeblitorte esch e Schwizer Tortespezialität usem «Rüeblikanton» Aargau. Si bestoht houptsächlech usemne Biskuitteig, Rüebli ond Nüss.

Rüeblitorte si au usserhalb vo der Schwiz bekannt und beliebt, bsundrigs in Grossbritannie und de USA.

Rezäpt Rüeblitorte

Nach emene Rezäpt vo de Grossmuetter.

Zuetate:

300 gr. Haselnüss, gmahle

300 gr. Rüebli graffelt

300 gr Zucker

6 Stk Eier, trenne

1 TL Zimt-Pulver

1/2 Stk Zitrone, Schale griebe

1 EL Mehl

3 EL Kirsch, Rum oder Cognac

3 EL Aprikosen-Confi

1 Päckli Schoggistreusel

8 Stk Marzipan-Rüebli

Zuebereitig:

• Bachofe uf 180° vorheize
• Zucker und Eigäl schumig schla, nach und nach Rüebli, Haselnüss bigeh, am Schluss Schnaps und Zitroneschale
• Eiweiss-Schum drunter zieh
• 25 cm Springform, Bode mit Backpapier bilege, Wänd ifette
• Masse ifülle und im Backofe - uf unterster Rille - ca. 60 Min. backe
• Auschüehle laa, Aprikosen-Konfi obe verteile
• Mit Schoggistreusel bedecke und Marzipan dekoriere

Gschicht

Scho im Middelalter het mä Rüebli brucht zum süessi Chüeche mache, wil dr Hoonig düür gsi isch und es in Rüebli mee Zucker het as in andere Gmües. Wo dr Rüeblichueche ursprünglig härchunnt, wäiss mä nit sicher. Z Ängland isch d Rüeblidorte im Zwäite Wältchrieg wider ufcho, wil Zucker razioniert gsi isch.

Rüeblichüeche cha mä in Amerika sit de früeje 1960er in Restorant übercho. Zerst si si no fremdi Spezialidääte gsi, aber si si schnäll beliebt worde. Im Joor 2005 het dr amerikanisch Food Network-Färnseekanal d Rüeblidorte mit Dobbelraamcheesglasuur uf em fümfte Blatz vo de beliebtischte Spiise ufgfüert. In Groossbritannie isch d Rüeblidorte noch ere Umfroog vo dr Radio Times im Joor 2011 dr beliebtisti Chueche gsi.

Weblink

 Commons: Rüeblitorte – Sammlig vo Multimediadateie

• Aargauer Rüeblitorte i de Datebank vom Kulinarische Erb vo de Schwiz