Römerkastell Irgenhausen

Us der alemannische Wikipedia, der freie Dialäkt-Enzyklopedy
Hops zue: Navigation, Suech
s Römerkastell Iirgehuuse

S Römerkastell Iirgehuuse isch e römisches Kastell bi Iirgehuuse i de Gmaind Pfäffike im Kantoo Zöri.

Laag und Gschicht[ändere | Quälltäxt bearbeite]

S Kastell lit ufeme chliine Hügel grad öberem Pfäffikersee südlich vo Iirgehuuse a de alte Römerstroos vo Wintertuur uf Chämpraate am Zürisee. S Kastell isch dör de Chaiser Valentinian (364-375) baut wore, wo d Rhiigrenze verstärche loo het. Früener isch am gliiche Platz e Guetshof gstande.

Bischriib[ändere | Quälltäxt bearbeite]

S Kastell isch recht guet erhalte und messt öppe 60 uf 60 Meter. Es het i jedem Egge e Turm und ussert bide Ostmuur, wo de Iigang gsii isch, je en Mittelturm.

Name[ändere | Quälltäxt bearbeite]

De antik Name vom Kastell isch nöd öberliferet, doch werd de Ort Iirgehhuse inere Uurchund usem Joor 811 Camputuna sive Irincheshusa gnennt. Drum werd vermuetet, ass s Kastell *Cambodunum ghaisse het. Hüt haisst e Dorf drai Kilometer südlich vom Kastell no Chämte.

Weblinks[ändere | Quälltäxt bearbeite]

 Allmänd (Commons): Iirgehuuse – Sammlig vo witere Multimediadateie

Büecher[ändere | Quälltäxt bearbeite]

  • Ernst Meyer: Das römische Kastell Irgenhausen; Basel 1969.