Quargel

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Olmützer Quargel

Quargel isch e Suurmilchchees, wo us Chuemilch gmacht wird. Noch dr Brodukzioon loot men en 24 bis 26 Stunde lo rif wärde. Sis Aroma isch e chli süürlig, pikant bis chreftig. Si Gruch isch däm vom dütsche Harzer Chees äänlig. Wie vili Wiichchees hebt au dr Quargel nit seer lang.

Bekannt isch dr Olmützer Quargel, wo mänggisch mit Grauchees verwäggslet wird. Er chunnt hüte vor allem us Loštice im Okres Šumperk in Tschechie. In dr EU isch s e gschützte Häärkumftsbegriff und daf vo 2015 nume no in Tschechie broduziert wärde.

Sustigs[ändere | Quälltäxt bearbeite]

Mit Quargel (Kwargel, Gvargel) würd im FL-Unterland än erfolglosä Murx imenä Projäkt oder Dokumänt bezeichnet.