Pushan

Us der alemannische Wikipedia, der freie Dialäkt-Enzyklopedy
Hops zue: Navigation, Suech

De Pushan (skt: पूषन् Pūṣan m.) isch e vedische Gott vom Wachstum.

Im Rigveda sind em Pushan sechs Hymne gwidmet. Er het e Bart und gflochtnigs Hoor. Wel er kai Zee het, werd em Brai gopferet. Siin Wage werd vo Gaissböck zoge und as Waffe het er e goldige Speer. De Pushan repräsentiert s Liecht, wo s Wachstum förderet. Er isch de Bischützer vo allne Gschöpf, bsunders aber vom Vee, und de Biwacher vo de Weg und Strosse. Äänlich wie de griechisch Hermes biglaitet er di tote Seele zu de Aanevättere (pitaras). Er isch zudem de Boot und Schwigersoo vom Sunegott Surya. Im jüngere Hinduismus isch er mitem Surya verschmolze.

I de Forschig werd de Pushan sproochlich mit em griechische Pan (ie. GN: *Peh2usōn) und typologisch mit dem Hermes vergliche.

Büecher[ändere | Quälltäxt bearbeite]

  • Hans Wilhelm Haussig (Hg.): Götter und Mythen des Indischen Subkontinents. Stuttgart: Klett-Cotta (1984). ISBN 3-12-909850-X